IB71 Movie: ‘ఘాజీ’ డైరెక్టర్ హిందీ సినిమా టీజర్ వచ్చేసింది!

Vidyut Jammwal: తెలుగు, హిందీ భాషల్లో ‘ఘాజీ’ చిత్రాన్ని తెరకెక్కించిన సంకల్ప్ రెడ్డికి మొదటి చిత్రమే మేకర్ గా మంచి గుర్తింపును తెచ్చిపెట్టింది. ఉత్తమ ప్రాంతీయ చిత్రంగా జాతీయ స్థాయిలో అవార్డును ‘ఘాజీ’ పొందింది. ఆ తర్వాత సంకల్ప్ రెడ్డి రూపొందించిన ‘అంతరిక్షం’ మూవీ ఆశించిన స్థాయిలో విజయం సాధించలేదు. అయినా దర్శకుడిగా అతనిపై ఉన్న నమ్మకంతో ప్రముఖ బాలీవుడ్ నటుడు విద్యుత్ జమ్వాల్ తానే హీరోగా ‘ఐబి 71’ మూవీని నిర్మించాడు. ఈ సినిమా టీజర్ శనివారం విడుదలైంది. 1971లో జరిగిన ఇండో పాక్ వార్ నేపథ్యంలో అండర్ కవర్ ఆపరేషన్ గా ఈ స్పై థ్రిల్లర్ రూపుదిద్దుకుంది. ఈ మూవీకి రిలయెన్స్ ఎంటర్ టైన్ మెంట్స్, టి సీరిస్ సంస్థలో ప్రెజెంటర్స్ గా వ్యవహరిస్తున్నాయి. ఇందులో అనుపమ్ ఖేర్, విశాల్ జత్వా కీలక పాత్రలు పోషించారు. తాజాగా విడుదలైన టీజర్ తో మూవీపై అంచనాలు పెరిగాయి. ఈ చిత్రం మే 12న వరల్డ్ వైడ్ రిలీజ్ కాబోతోంది.