Venky Re Release: ఈ మధ్య రీ రిలీజ్ ట్రెండ్ ల హడావిడి కొద్దిగా తగ్గినట్లు కనిపిస్తుంది. కొత్తలో అయితే .. మా హీరో ఓల్డ్ సినిమా వస్తుంది అని ఫ్యాన్స్ హడావిడి చేయడం, థియేటర్ ను తగలబెట్టడం కూడా చూసాం. ఇక ఖుషి సినిమా రీ రిలీజ్ కు అయితే నెక్స్ట్ లెవెల్ క్రౌడ్ అని చెప్పాలి. పవన్ ఫ్యాన్స్ ఆ సినిమాను అప్పుడు బ్లాక్ బస్టర్ చేశారు. ఇప్పుడు కూడా బ్లాక్ బస్టర్ చేశారు. అయితే రీరిలీజ్ లు కొన్ని మాత్రమే హిట్ అందుకున్నాయి. ఇంకొన్ని పరాజయాన్ని చవిచూశాయి. ఇప్పటికే మాస్ మహారాజా రవితేజ్ హిట్ సినిమాలు చాలానే రీ రిలీజ్ అయ్యాయి. కానీ, ఇప్పుడు రీ రిలీజ్ అవుతున్న సినిమాకు మాత్రం పెద్ద చరిత్రే ఉంది. సోషల్ మీడియాలో మీమ్ పేజిస్ కొన్ని నడుస్తున్నాయి అంటే.. అది ఈ సినిమా వలెనే అని చెప్పడంలో ఎటువంటి అతిశయోక్తి లేదు. చూసిన సినిమా ఎన్నిసార్లు చూస్తారు అని విసుకున్నవాళ్ళే.. ఈ సినిమా వస్తుంది అంటే.. టీవీ ముందు అతుక్కుపోతారు.
ఏ అసలు ఆ సినిమా ఏంటి అనేగా అడగబోతున్నారు. ఇంకేం సినిమా.. అదే వెంకీ. మాస్ మహారాజా రవితేజ – శ్రీను వైట్ల కాంబినేషన్లో వచ్చిన ఎవర్ గ్రీన్ బ్లాక్ బస్టర్ వెంకీ. అందులో రవితేజ, బ్రహ్మానందం, ఏవీఎస్, వేణు మాధవ్ కామెడీ వేరే లెవెల్ అని చెప్పాలి. అప్పట్లో ఈ సినిమా భారీ విజయాన్ని అందుకుంది. ఇప్పటికీ రవితేజ కెరీర్ బెస్ట్ సినిమాల లిస్ట్ తీస్తే.. టాప్ 5 లో వెంకీ కచ్చితంగా ఉంటుంది. అలాంటి ఈ సినిమా డిసెంబర్ 30 న రీ రిలీజ్ కానుంది. మరి ఇలాంటి రికార్డ్ బద్దలుకొట్టిన సినిమా రీరిలీజ్ అవుతుంటే రవితేజ ఫ్యాన్స్ మాత్రమే కాదు.. ఫ్యామిలీ ఆడియెన్స్ కూడా హడావిడి మొదలుపెట్టేసారు. నిప్పు నాగరాజు.. వెంకీ, గజలా.. అరేయ్ బొక్కా అంటూ కొందరు.. అందాల చక్కెరకేళి అని సాంగ్స్ పాడుతూ మరికొందరు టికెట్స్ తీసేసుకుంటున్నారు. కొత్త సినిమాకు హౌస్ ఫుల్ అయినట్లు వెంకీ రీరిలీజ్ కూడా హౌస్ ఫుల్ బోర్డులు పడిపోతున్నాయి. అది మరి.. మాస్ మహారాజా రవితేజ అంటే అని ఫ్యాన్స్ కలర్ ఎగురవేస్తున్నారు. మరి ఆ రోజు రచ్చ ఎలా ఉంటుందో చూడాలంటే మరో నాలుగు రోజులు ఓపిక పట్టాల్సిందే.