Varalaxmi Interview for Sabari Movie: వరలక్ష్మీ శరత్ కుమార్ ప్రధాన పాత్రలో నటించిన ‘శబరి’ మే 3న ప్రేక్షకుల ముందుకు వస్తోంది. మహర్షి కూండ్ల సమర్పణలో మహా మూవీస్ పతాకంపై మహేంద్రనాథ్ కూండ్ల నిర్మాణంల అనిల్ కాట్జ్ డైరెక్ట్ చేసిన ఈ సినిమా దర్శకుడు. తెలుగుతో పాటు తమిళ, మలయాళ, హిందీ, కన్నడ భాషల్లో విడుదల కానున్న సందర్భంగా వరలక్ష్మీ శరత్ కుమార్ తెలుగు మీడియాతో ముచ్చటించారు. ఆ ఇంటర్వ్యూలో ఆమె మాట్లాడుతూ ‘క్రాక్’కు సంతకం చేయడానికి ముందు ‘శబరి’ కథ విన్నా. నాకు బాగా నచ్చింది. కథపై నమ్మకంతో ఈ సినిమా చేస్తానని చెప్పా. అయితే, షూటింగ్ చాలా రోజుల తర్వాత స్టార్ట్ చేశా, టిపికల్ రెగ్యులర్ నెగిటివ్ షేడ్ రోల్ కాకుండా కొత్త పాత్ర చేశా. ఆర్టిస్టుగా నేను ఈ పాత్ర చేయగలనని దర్శక నిర్మాతలు నమ్మారు. ఫిమేల్ ఓరియెంటెడ్ సినిమా చేయడానికి వాళ్లు ముందుకు వచ్చారు. ఖర్చు విషయంలో నిర్మాత రాజీ పడకుండా సినిమా తీశారు. ఇదొక సైకలాజికల్ థ్రిల్లర్. అందరికీ నచ్చుతుంది. దర్శక నిర్మాతలు కొత్తవాళ్లు, రిస్క్ అనిపించలేదా? అంటే లైఫే రిస్క్ అండీ, హిట్టూ ఫ్లాపులను ఎవరూ జడ్జ్ చేయలేరు.
Varalaxmi: రివ్యూయర్స్ మీద వరలక్ష్మీ సంచలన వ్యాఖ్యలు.. మీకేం హక్కు, అర్హత ఉంది?
‘హనుమాన్’ చిన్న సినిమా అనుకున్నా, పెద్ద హిట్ అయ్యింది. ‘నాంది’, ‘కోట బొమ్మాళీ పీఎస్’ సినిమాలు అంత మంచి విజయాలు సాధిస్తాయని ఊహించలేదు. మేం ఒక డిఫరెంట్ సినిమా చేశాం, ప్రేక్షకులకు నచ్చుతుందనే నమ్మకం ఉంది. ‘శబరి’ ప్రెస్మీట్ చూస్తే అందరూ నిర్మాత గురించి మాట్లాడారు, ఎందుకంటే ఆయన జెన్యూన్ పర్సన్. ఎవరినీ చీట్ చేసే మెంటాలిటీ లేదు, అడగక ముందు పేమెంట్ వస్తుంది. బడ్జెట్ దాటినా మధ్యలో వదలకుండా సినిమా పూర్తి చేశారని అన్నారు. ‘శబరి’ సినిమాలో యాంగ్రీ యంగ్ లేడీ రోల్ కాదు. ఓ సాధారణ అమ్మాయి, భర్తతో సమస్యల కారణంగా, అతని నుంచి వేరుపడి కుమార్తెను ఒంటరిగా పెంచుతుంది. ఆమెకు ఏమైంది? అనేది కథ. సెటిల్డ్ పెర్ఫార్మన్స్ చేసే అవకాశం లభించింది, లౌడ్ మూమెంట్స్ ఉండవు, కుమార్తెను కాపాడుకునేటప్పుడు తల్లికి వచ్చే కోపం వేరు, సాధారణంగా వచ్చే కోపం వేరు. డిఫరెంట్ యాంగర్ చూపించే అవకాశం వచ్చింది. మదర్ అండ్ డాటర్ కనెక్షన్ మూవీలో హైలైట్ అవుతుంది, కూతుర్ని కాపాడుకోవడం కోసం తల్లి ఏం చేసిందనేది కథ.
