Vadde Naveen: బిగ్ బాస్ ఆఫర్ అందుకున్న సీనియర్ స్టార్ హీరో..?
తెలుగు బుల్లితెరపై భారీ అంచనాల మధ్య మొదలైంది బిగ్ బాస్.. అదే అంచనాల నడుమ ఇప్పటికే 5 సీజన్లు కూడా పూర్తిచేసుకొంది. ఇక ఇటీవల బిగ్ బాస్ నాన్ స్టాప్ తో కొద్దిగా చేతులు కాల్చుకున్న నిర్వాహకులు ఈసారి ఎలాగైనా సీజన్ 6 ను హిట్ దిశగా పరుగులు పెట్టించాలని ప్రయత్నాలు చేస్తున్నారు. ఈ నేపథ్యంలోనే ఈసారి సీజన్ 6 లో బిగ్ బాస్ లోపలికి స్టార్లను పంపించడానికి ప్లన్స్ జరుగుతున్నాయని టాక్ నడుస్తోంది. అయితే ఇటీవల నాగార్జున సీజన్ 6 గురించి మాట్లాడుతూ .. ఈ సీజన్ లో బిగ్ బాస్ అభిమానులకు ఛాన్స్ ఉంటుందని, వారు తమ డీటెయిల్స్ తో బిగ్ బాస్ ను అప్రోచ్ అవ్వచ్చని తెలిపాడు. మరి ఈ సీజన్ అంతా సెలబ్రిటీలు కాకుండా నార్మల్ పీపుల్స్ ఉంటారా..? లేక సగం వారు సగం వీరు ఉంటారా..? అనేది తెలియాల్సి ఉంది. ఇకపోతే ఇప్పటికే బిగ్ బాస్ సీజన్ 6 లో పాల్గొనే క్యాండిడేట్స్ వీరే అంటూ సోషల్ మీడియా లో ప్రచారం జరుగుతోంది. ఇక తాజాగా అందులోకి మరో స్టార్ హీరో వచ్చి జాయిన్ అయ్యాడు.
‘పెళ్లి’ చిత్రంతో తెలుగు తెరకు పరిచయమైన హీరో వద్దే నవీన్.. ఈ సినిమా తరువాత వరుస అవకాశాలను అందుకొని స్టార్ హీరోగా కొనసాగిన నవీన్ గత కొన్నేళ్లుగా సినిమాలకు గ్యాప్ ఇచ్చాడు. ప్రస్తుతం తన బిజినెస్ పనులను చూసుకుంటున్న నవీన్ కు బిగ్ బాస్ బంపర్ ఆఫర్ ఇచ్చినట్లు వార్తలు వస్తున్నాయి. ఇందుకోసం ఆయనకు భారీ రెమ్యూనిరేషన్ ఆఫర్ చేశారని సమాచారం. నవీన్ అప్పటి ప్రేక్షకులకే కాదు ఇప్పటి తరానికి కూడా సుపరిచితుడే. ఆయన సూపర్ హిట్ లవ్ సాంగ్స్ ఇప్పటికీ ఎక్కడో ఒక చోట వినబడుతూనే ఉంటాయి. దీంతో నవీన్ రావడం బిగ్ బాస్ కు ప్లస్ అవుతుందని నిర్వాహకులు భావించి, ఆయనను ఒప్పించినట్లు తెలుస్తోంది. అయితే ఇందులో నిజం ఎంత అనేది తెలియాలంటే మరికొన్ని రోజులు ఆగాల్సిందే.