NTR: యంగ్ టైగర్ ఎన్టీఆర్ ప్రస్తుతం కొరటాల శివ దర్శకత్వంలో దేవర సినిమా చేస్తున్న విషయం తెల్సిందే. ఈ సినిమాపై అభిమానులు భారీ అంచనాలను పెట్టుకున్నారు. యువసుధ ఆర్ట్స్ మరియు ఎన్టీఆర్ ఆర్ట్స్ బ్యానర్స్ సంయుక్తంగా ఈ చిత్రాన్ని నిర్మిస్తున్నాయి. ఇకపోతే ఈ చిత్రంలో ఎన్టీఆర్ సరసన జాన్వీ కపూర్ నటిస్తుండగా.. విలన్ గా బాలీవుడ్ స్టార్ హీరో సైఫ్ ఆలీఖాన్ నటిస్తున్నాడు. శరవేగంగా షూటింగ్ జరుపుకుంటున్న ఈ సినిమా వచ్చే ఏడాది ఏప్రిల్ 5 న ప్రేక్షకుల ముందుకు రానుంది. ఇప్పటికే ఈ సినిమా నుంచి రిలీజైన పోస్టర్స్ ప్రేక్షకులను ఏ రేంజ్ లో ఆకట్టుకున్నాయో ప్రత్యేకంగా చెప్పాల్సిన అవసరం లేదు. ఈ సినిమా గురించి ఎలాంటి అప్డేట్ వచ్చినా ఇట్టే వైరల్ గా మారుతోంది.
Manchu Manoj: మంచు మనోజ్ భార్యను ఇలాంటి పోజ్ లో ఎప్పుడైనా చూశారా..?
ఇక తాజాగా ఈ చిత్రంలో ఎన్టీఆర్ డబుల్ రోల్ లో కనిపిస్తున్నట్లు వార్తలు వినిపిస్తున్నాయి. ఎన్టీఆర్ తండ్రి కొడుకులుగా కనిపించబోతున్నాడట. సముద్ర వీరుడు తండ్రిగా కనిపిస్తున్నాడని కొందరు అంటున్నారు. ఇంకొందరు.. ఒక్కడే రెండు పాత్రల్లో కనిపిస్తున్నాడు అని అంటున్నారు. ఇందులో ఏది నిజం అనేది తెలియదు కానీ, ఖచ్చితంగా ఎన్టీఆర్ ఇద్దరుగా కనిపిస్తున్నాడు అన్నది మాత్రం కన్ఫర్మ్ అయ్యింది. ఇదే కనుక నిజమైతే జాన్వీ తో పాటు మరో హీరోయిన్ కూడా ఈ చిత్రంలో ఉండే అవకాశం ఉందని చెప్పుకొస్తున్నారు. ఇప్పటికే ఎన్టీఆర్ జై లవకుశ, నా అల్లుడు లాంటి సినిమాల్లో డబుల్, త్రిబుల్ రోల్స్ చేసి మెప్పించాడు. ఇక ఈ విషయం తెలియడంతో అభిమానులు.. దేవర.. ఒక్కరిని తట్టుకోవడమే కష్టం అంటే ఇద్దరా.?అంటూ కామెంట్స్ చేస్తున్నారు. మరి ఈ సినిమాతో ఎన్టీఆర్ ఏ రేంజ్ లో ఆకట్టుకుంటాడో చూడాలి.