Upcoming Pan India Films: ఈ రోజుల్లో సినీ ప్రపంచంలో పాన్ ఇండియా సినిమాల శకం నడుస్తోంది. ఈ సినిమాలు దేశంలోనే కాకుండా విదేశాల్లో కూడా దూసుకుపోతున్నాయి. ఇప్పటి వరకు చాలా సినిమాలు విడుదలయ్యాయి. ప్రభాస్ అభిమానులు ఎంతగానో ఎదురుచూస్తున్న ‘కల్కి 2898 AD’ కూడా జూన్ 27న థియేటర్లలోకి వచ్చింది. అయినప్పటికీ ప్రస్తుతం ఈ జాబితాలో యశ్ నటిస్తోన్న ‘టాక్సిక్’ నుంచి కమల్ హాసన్ ‘ఇండియన్ 2’ వరకు చాలా పాన్-ఇండియా చిత్రాలు బాక్సాఫీస్ వద్ద విధ్వంసం సృష్టించనున్నాయి.
*ఇండియన్ 2
కమల్ హాసన్ నటించిన ‘ఇండియన్ 2’ చిత్రం విడుదలకు సిద్ధంగా ఉంది. ఈ చిత్రం జూలై 12న థియేటర్లలోకి రానుంది. కమల్, దర్శకుడు శంకర్ కాంబినేషనల్లో 1996లో వచ్చిన ‘భారతీయుడు’ చిత్రానికి సీక్వెల్గా ‘ఇండియన్ 2’ రూపొందుతోంది.. దీని తర్వాత మూడో పార్ట్ కూడా విడుదల కానుంది. ఈ చిత్రానికి సంబంధించిన ట్రైలర్ను మేకర్స్ మంగళవారం విడుదల చేశారు. ఈ క్రమంలో తాజాగా ముంబయిలో జరిగిన కార్యక్రమంలో అన్ని భాషల్లో మూవీకి సంబంధించిన ట్రైలర్ను విడుదల చేశారు. ప్రపంచ వ్యాప్తంగా తెలుగు, తమిళ, హిందీ భాషల్లో జూలై 12న రిలీజ్ కానుంది. అవినీతికి వ్యతిరేకంగా పోరాటం చేసిన సేనాపతిగా ‘భారతీయుడు’ చిత్రంలో కమల్ హాసన్ మెప్పించారు. ఈ మూవీకి దీనికి కొనసాగింపుగా ‘భారతీయుడు-2’ రానుంది. సేనాపతిగా కమల్ మరోసారి బాక్సాఫీస్ రికార్డులను తిరగరాసేందుకు సిద్ధమవుతున్నారు.
*పుష్ప 2: ది రూల్
అల్లు అర్జున్ ‘పుష్ప ది రైజ్’ బాక్సాఫీస్ వద్ద ప్రకంపనలు సృష్టించింది. ఇప్పుడు దాని సీక్వెల్ ‘పుష్ప: ది రూల్’ కోసం ప్రేక్షకులు ఆసక్తిగా ఎదురుచూస్తున్నారు. ఈ చిత్రంలో అల్లు అర్జున్, రష్మిక మందన్న, ఫహద్ ఫాసిల్ మరోసారి ప్రధాన పాత్రల్లో కనిపించనున్నారు. ‘పుష్ప 2’ కూడా పాన్-ఇండియా స్థాయిలో విడుదల కానుంది. ఈ ఏడాది డిసెంబర్ 6న థియేటర్లలోకి రానుంది.
Read Also: Ashika Ranganath: స్టార్ హీరోకి జోడిగా లక్కీఛాన్స్ కొట్టేసిన నాగార్జున బ్యూటీ..
*కంగువా
సూర్య నటించిన ఫాంటసీ యాక్షన్ చిత్రం ‘కంగువ’ చాలా కాలంగా చిత్రీకరణ జరుపుకుంటోంది. శివ దర్శకత్వంలో రూపొందుతున్న ఈ సినిమాలో బాబీ డియోల్ కూడా కనిపించనున్నాడు. తమిళంలో ఆయన తొలి చిత్రం ‘కంగువా’. ఈ చిత్రంలో దిశా పటానీ కూడా కీలక పాత్ర పోషిస్తోంది. ‘కంగువా’ ఈ ఏడాది విడుదల కావాల్సి ఉంది, కానీ మేకర్స్ ఇంకా తేదీని నిర్ణయించలేదు. ‘కంగువా’ మొదట్లో 38 భాషల్లో విడుదలవుతుందని సంచలనం సృష్టించింది. ఆసక్తికరమైన విషయం ఏమిటంటే ఈ సినిమాలో సూర్య ద్విపాత్రాభినయంలో కనిపించనున్నాడు.
*టాక్సిక్
‘కేజీఎఫ్’ ఫేమ్ యష్ తన కొత్త చిత్రం ‘టాక్సిక్’తో తిరిగి వస్తున్నాడు. ఈ సినిమాలో యష్ పవర్ ఫుల్ క్యారెక్టర్ లో కనిపించనున్నాడు. ఇది యాక్షన్ థ్రిల్లర్ చిత్రం, ఇందులో చాలా డ్రామా, యాక్షన్ సన్నివేశాలు కనిపిస్తాయి. ‘టాక్సిక్’ చిత్రంలో కరీనా కపూర్, సాయి పల్లవి కూడా నటించారు. గీతూ మోహన్దాస్ దర్శకత్వం వహిస్తున్న ఈ చిత్రం పాన్-ఇండియా లెవెల్లో విడుదల కానుంది. ”టాక్సిక్” 10 ఏప్రిల్ 2025న సినిమా థియేటర్లలో విడుదల కానుంది. కేవీఎన్ ప్రొడక్షన్స్ బ్యానర్పై వెంకట్ కె నారాయణతో కలిసి యశ్ ఈ యాక్షన్ డ్రామాని నిర్మిస్తున్నారు.
*గేమ్ ఛేంజర్
శంకర్ దర్శకత్వంలో రామ్ చరణ్ నటిస్తున్న పొలిటికల్ థ్రిల్లర్ చిత్రం ‘గేమ్ ఛేంజర్’. ఈ చిత్రంలో కియారా అద్వానీ ప్రధాన పాత్రలో కనిపించనుంది. భారీ బడ్జెట్తో తెరకెక్కిన ఈ సినిమా పాన్ ఇండియా స్థాయిలో విడుదల కానుంది. ఈ చిత్రంపై భారీ అంచనాలు నెలకొన్నాయి.
దేవర
స్టార్ డైరెక్టర్ కొరటాల శివ దర్శకత్వంలో ‘యంగ్ టైగర్ ఎన్టీఆర్’ హీరోగా రాబోతున్న పాన్ ఇండియా సినిమా ‘దేవర పార్ట్ 1’. ఎన్టీఆర్, జాన్వీ కపూర్, సైఫ్ అలీ ఖాన్, షైన్ టామ్ చాకో ప్రధాన పాత్రల్లో నటించారు.దేవర సినిమా 2 భాగాలుగా రాబోతోంది.ఇది 120 కోట్ల కంటే ఎక్కువ బడ్జెట్ను కలిగి ఉంది. కాగా ఈ సినిమాలో బాలీవుడ్ స్టార్ సైఫ్ అలీఖాన్ విలన్గా నటిస్తున్నాడు. మొత్తానికి దేవర సినిమాపై రోజురోజుకూ అంచనాలు పెరుగుతున్నాయి. అనిరుధ్ రవిచందర్ సంగీత దర్శకుడిగా వ్యవహరిస్తున్నారు.