Ashika Ranganath Onboard Karthi Sardar 2: ఈ ఏడాది నాగార్జునతో కలిసి ‘నాసామిరంగ’తో తెలుగు ప్రేక్షకుల మనసుల్ని దోచేసింది కన్నడ కస్తూరి ఆషికా రంగనాథ్. అయితే దాని తరువాత అవకాశాలు మాత్రం ఈ ముద్దుగుమ్మకు అనుకున్న స్థాయిలో రాలేదనే చెప్పాలి. ప్రస్తుతానికి తెలుగులో చిరంజీవి ‘విశ్వంభర’లో కీలక పాత్ర పోషిస్తున్నదని సమాచారం. ఇదిలావుంటే.. ఇతర భాషల్లో అషికాకు అవకాశాలు బాగానే ఉన్నాయి. కన్నడలో రెండుమూడు సినిమాలు చేస్తున్న ఈ అందాలభామ తాజాగా తమిళంలో ఓ భారీ ఆఫర్ని దక్కించుకుంది. ఆ సినిమానే “సర్దార్ 2”. కార్తీ కథానాయకుడిగా రూపొందిన ‘సర్దార్’ తమిళనాట భారీ విజయాన్ని అందుకుంది.
Also Read:Kalki 2898 AD: ఓ ధనుంజయ.. వచ్చింది సూర్యపుత్ర కర్ణ.. పూనకాలు తెప్పిస్తున్న కర్ణుడి ఎంట్రీ
ఇప్పుడు ఆ సినిమాకు సీక్వెల్గా ‘సర్దార్ 2’ను తెరకెక్కిస్తున్నారు దర్శకుడు పీఎస్ మిత్రన్. ఇందులో హీరోయిన్గా నటించే ఛాన్స్ను కొట్టేసింది అషికా రంగనాథ్. అంతేకాక, సిద్దార్థ్ హీరోగా నటిస్తున్న ‘మిస్ యు’ సినిమాలో కూడా నటిస్తున్నది అషికా. ఇవి విజయాలు సాధిస్తే కోలీవుడ్లో ఈ అందాలభామకు మంచిరోజులొచ్చినట్టే.ఇప్పటికే ఈ విషయమై కథా చర్చలు పూర్తయినట్లు తెలిసింది. త్వరలోనే ఈ విషయాన్ని మేకర్స్ అఫీషియల్ గా అనౌన్స్ చేయనున్నట్లు తెలుస్తోంది. కాగా కార్తి ప్రస్తుతం ఈ సినిమా కోసం లుక్ మార్చుకునే పనిలో ఉన్నారు. స్పై యాక్షన్ థ్రిల్లర్గా తెరకెక్కనున్నఈ సినిమా జులై నెల నుంచి షూటింగ్ ప్రారంభం కానుంది. కజకిస్థాన్, అజర్బైజాన్, జార్జియా తదితర దేశాల్లో షూటింగ్ జరుపుకోనుంది.