Chiranjeevi: మెగాస్టార్ చిరంజీవి.. నేటి నుంచి పద్మ విభూషణ్ చిరంజీవిగా మారారు. సినిమా రంగంలో ఆయన చేసిన విశేష సేవలను గుర్తించి కేంద్రం చిరుకు పద్మవిభూషణ్ అవార్డుతో గౌరవించింది.చిరుకు దేశంలోనే రెండో అత్యున్నతమైన అవార్డు ఆయనకు దక్కడంతో పలువురు ప్రముఖులు శుభాకాంక్షలు తెలుపుతున్నారు. ఇండస్ట్రీ మొత్తం చిరు గురించే మాట్లాడుకుంటున్నారు. ఇక చిరుకు.. మెగా కోడలు ఉపాసన సర్ ప్రైజ్ ఫోటోతో శుభాకాంక్షలు తెలిపింది. మెగా వారసులందరితో చిరు దిగిన ఫోటోను షేర్ చేస్తూ.. ” మీరు చూసేది శక్తివంతమైన పిడికిలిని ఏర్పరుచుకునే ఐదు వేళ్లు.. కేవలం సినిమా & దాతృత్వంలోనే కాకుండా జీవితంలో నాన్నగా, మామగారిగా, తాతగా మా స్ఫూర్తికి అభినందనలు. చిరుత, పద్మవిభూషణ్ .. లవ్ యూ” అంటూ చెప్పుకొచ్చింది.
ఇక ఫోటోలో చిరంజీవి పెద్ద కూతురు సుష్మిత పిల్లలు సమారా, సంహితతో పాటుగా శ్రీజ పిల్లలు నివ్రితి, నివిష్క ఉన్నారు. వీరితో పాటు.. అసలు సిసలైన మెగా వారసురాలు.. చిరు కొడుకు చరణ్ కుమార్తె క్లింకార హైలైట్ గా నిలిచింది. చిరు దంపతులు.. చరణ్ కుమార్తె కోసం పదేళ్లు ఎదురుచూసారు. ఇక క్లింకార రాకతో మెగా కుటుంబం సంబురాల్లో మునిగిపోయిన విషయం తెల్సిందే. క్లింకార ముఖం చూపించకపోయినా ఈ చిన్నారి సాంప్రదాయమైన డ్రెస్ లో అందంగా కనిపించింది. ప్రస్తుతం ఈ ఫోటో నెట్టింట వైరల్ గా మారింది. ఇకపోతే ప్రస్తుతం చిరు.. విశ్వంభర సినిమాతో ప్రేక్షకుల ముందుకు రానున్నారు. మరి ఈ సినిమా చిరుకు ఎలాంటి విజయాన్ని అందిస్తుందో చూడాలి.
What you see are five fingers that form a powerful fist 👊 ❤️
Congrats to our inspiration, not just in cinema & philanthropy but in life – as a dad, father-in-law & granddad. Chirutha, honored with #PadmaVibhushan 🙏🙌 Love you 🥰 @KChiruTweets pic.twitter.com/3QHpuyPcxK— Upasana Konidela (@upasanakonidela) January 26, 2024