Unni Mukundan: హీరోయిన్ తో పెళ్లి.. ఎంత డబ్బు కావాలన్నా ఇస్తా

Unni Mukundan: సోషల్ మీడియా వలన ఎన్ని లాభాలు ఉన్నాయో.. అంతకు మించిన నష్టాలు కూడా ఉన్నాయి. ముఖ్యంగా సోషల్ మీడియా సెలబ్రిటీల గురించి రూమర్స్ అయితే మాములుగా ఉండవు. ఒక హీరో, హీరోయిన్ నవ్వుతూ ఒక ఫంక్షన్ లో కనిపించరు అంటే.. వారి మధ్య ప్రేమ ఉందని చెప్పుకొచ్చేస్తున్నారు. ఇక ఇద్దరు ఎయిర్ పోర్ట్ లో కనిపిస్తే వెకేషన్ కు వెళ్లినట్లు.. టెంపుల్ లో కనిపిస్తే త్వరలోనే పెళ్లి చేసుకుంటున్నారు అని రాసుకొచ్చేస్తున్నారు. ఇలా ఎంతోమంది జంటలు సోషల్ మీడియాలో వచ్చే రూమర్స్ కు బలి అవుతున్నారు. అయితే ఆ రూమర్స్ కు కొంతమంది చెక్ పెడతారు.. కొంతమంది లైట్ తీసుకుంటారు. అయిది ఇంకొంతమంది ఘాటుగా సమాధానం చెప్తారు. తాజాగా మలయాళ నటుడు ఉన్ని ముకుందన్ కూడా అలాగే ఇచ్చి పడేశాడు.

మలయాళ నటుడు ఉన్ని ముకుందన్ గురించి తెలుగువారికి పరిచయం చేయాల్సిన అవసరం లేదు. తెలుగులో జనతా గ్యారేజ్, భాగమతి, యశోద వంటి సినిమాల్లో నటించి మెప్పించాడు. ఇక ఒక మైనర్ బాలికను అత్యాచారం చేశాడనే ఆరోపణలు ఎదురవడంతో అతనిపై కేసు నమోదు అవ్వడం, కోర్టులో కేసు నడుస్తూ ఉండడం వలన మరింత ఫేమస్ అయ్యాడు. ఇక గత కొన్ని రోజుల నుంచి ఉన్ని.. హీరోయిన్ మరియు క్యారెక్టర్ ఆరిస్ట్ అయిన అనుశ్రీ తో ప్రేమలో ఉన్నాడనే వార్తలు సోషల్ మీడియాలో వైరల్ గా మారాయి. ఈ మధ్య ఒక ఈవెంట్ లో వీరు జంటగా కనిపించడంతో.. వీరిద్దరూ డేటింగ్ లో ఉన్నారని, త్వరలో పెళ్లి చేసుకోబోతున్నారని వార్తలు వచ్చాయి. ఇక ఈ వార్తలపై ఉన్ని ముకుందన్ ఘాటుగానే స్పందించాడు. ఈ న్యూస్ రాసిన వ్యక్తిపై డైరెక్ట్ గా మండిపడ్డాడు. ” ఇలాంటి ఫేక్‌ న్యూస్‌ ప్రచారం చేయకుండా ఆపడానికి నీకెంత డబ్బివ్వాలో చెప్పు..” అంటూ ఫైర్ అయ్యాడు. ప్రస్తుతం ఈ వార్త నెట్టింట వైరల్ గా మారింది.