The Prelude Of Kalki 2898 AD – Episode 1 Telugu: కల్కి 2898 ఏడీ సినిమా ఎప్పుడెప్పుడు చూద్దామా ప్రేక్షకులు ఎదురు చూస్తున్నారు. ఈ చిత్రం జూన్ 27వ తేదీన థియేటర్లలో విడుదల కానుంది. ప్రభాస్, అమితాబ్ బచ్చన్, దీపికా పదుకొణ్, కమల్ హాసన్ ప్రధాన పాత్రలు పోషించగా వైజయంతీ మూవీస్ పతాకంపై అశ్వినీదత్ నిర్మించిన ఈ చిత్రానికి సంతోష్ నారాయణన్ సంగీతం అందించారు. కల్కి 2898 ఏడీపై అంచనాలు ఆకాశానికి చేరినా ఈ కంటెంట్ ఏంటి అనే అంశం మీద అనుమానాలు ఉన్నాయి. దీంతో జనాల అనుమానాలు దూరం చేసేలా డైరెక్టర్ నాగ్ అశ్విన్‍తో మాట్లాడించి ఓ వీడియోను రిలీజ్ చేసింది మూవీ టీమ్. కల్కి 2898 ఏడీ ప్రిల్యూడ్‍లో ఎపిసోడ్-1 అంటూ ఆ వీడియోను నేడు (జూన్ 18) తీసుకొచ్చింది. ఈ సినిమా కథ గురించి ఈ వీడియోలో ఆసక్తికరమైన విషయాలు చెప్పారు నాగ్ అశ్విన్. ఈ క్రమంలో కల్కి 2898 ఏడీ కథ మన పురాణాలు అన్నింటికి క్లైమాక్స్ (ముగింపు) లాగా ఉంటుందని నాగ్ అశ్విన్ చెప్పారు. కలియుగంలో ఎలా, ఏం జరగొచ్చు అనేది ఉంటుందని, ఇండియాలోనే కాకుండా ప్రపంచంలో ఎవరైనా ఈ స్టోరీని రిలేట్ చేసుకోవచ్చని చెప్పారు.
Renuka Swamy Case: ఎవర్రా ఈ పవిత్ర గౌడ? టాప్ ట్రెండింగ్లోకి దర్శన్ ప్రియురాలు
“మన పురాణాల్లో అతిగొప్పది మహాభారతం. చాలా క్యారెక్టర్లు ఉంటాయి. విష్ణుమూర్తి అవతారాలు కృష్ణుడితో ముగిసాయి. అక్కడి నుంచి కలియుగంలోకి వెళ్లినప్పుడు ఈ కథ ఎలా ఉంటుందన్నది పూర్తిగా క్రియేటివ్ ఇమాజినేషన్. కృష్ణుడి అవతారం తర్వాత పదో అవతారం కల్కి. కలియుగం అంతం ఎలా జరుగుతుంది.. ఎలా జరగొచ్చు అనేది ఈ సినిమాగా ఉంటుందని చెప్పుకొచ్చాడు. ఇండియాలోనే కాదు ప్రపంచంలో ఎక్కడైనా రిలేట్ చేసుకునే స్టోరీ అని, ఈ కథ అన్నింటికీ క్లైమాక్స్. మనం చదివిన పురాణాలకు, క్యారెక్టర్లకు ఒక క్లైమాక్స్ లాగా చేస్తే ఈ కథ” అని నాగ్ అశ్విన్ చెప్పారు. “కలి అనే వాడు ప్రతీ యుగంలోనూ ఉంటాడు. ఒకసారి రావణుడిలా.. ఒకసారి దుర్యోధనుడిలా ఉంటాడనుకుంటే.. చివరగా కలియుగంలో ఫైనల్ రూపం తీసుకుంటే అలాంటప్పుడు ఎలాంటి హీరో వస్తాడనే ఆలోచనతో రాసిన కథ ఇది. రాసుకుంటే ఈ కథకు ఐదేళ్లు పట్టింది, ఆ ప్రపంచంలోకి వెళ్లి ఈ కొత్త సైన్స్ ఫిక్షన్ మైథాలజీని చూస్తే ప్రేక్షకులు ఎలా స్పందిస్తారనేది చూడాలని ఆసక్తిగా ఉన్నానని అన్నారు.
