Beast Trailer : బీస్ట్.. విజయ్ అభిమానులకు ఫీస్ట్..
కోలీవుడ్ స్టార్ హీరో విజయ్, పూజా హెగ్డే జంటగా నెల్సన్ దిలీప్ కుమార్ దర్శకత్వంలో తెరకెక్కిన సినిమా బీస్ట్. సన్ పిక్చర్స్ నిర్మాణంలో తెరకెక్కుతున్న ఈ సినిమా వేసవి కానుకగా ఏప్రిల్ 13న బీస్ట్ విడుదల కానున్నది. భారీ అంచనాల మధ్య రిలీజ్ కానున్న ఈ సినిమా ట్రైలర్ కోసం అభిమానులు ఎంతగానో ఎదురుచూస్తున్నారు. ఇక అభిమానుల ఎదురుచూపులకు తెర తీశారు. బీస్ట్ థియేట్రికల్ ట్రైలర్ను నేడు రిలీజ్ చేశారు చిత్ర యూనిట్. కళానిధి మారన్ నిర్మిస్తున్న ఈ చిత్రానికి అనిరుద్ రవిచంద్రన్ సంగీతం అందిస్తున్నారు. పలు భాషల్లో ఈ సినిమాను రిలీజ్ చేయడానికి మేకర్స్ ప్రయత్నిస్తున్నారు.
అభిమానులు ఎంతోగానో ఎదురుచూస్తున్న తమిళస్టార్ దళపతి విజయ్ ‘బీస్ట్’ ట్రైలర్ విడుదలైంది. ఉగాది పర్వదినం సందర్భంగా దాదాపు 2:56 నిమిషాల నిడివి ఉన్న ట్రైలర్ను రిలీజ్ చేశారు. ఆద్యంతం ఆసక్తిని రేకెత్తించేలా ఉన్న ట్రైలర్లోని ప్రతి ఫ్రేమ్అదుర్స్ అనిపించేలా ఉంది. విజయ్ను మరో లెవల్లో చూపించారు దర్శకుడు. ట్రైలర్.. సినిమాపై అంచనాలు మరింత పెంచిందనే చెప్పాలి. డైలాగ్ కూడా ఆకట్టుకునేలా ఉన్నాయి. ‘రాజకీయ నాయకుడిని కాదు.. సైనికుడిని’ అన్న డైలాగ్ ట్రైలర్కు హైలెట్గా నిలిచింది. దీంతో పాటు ఈ ట్రైలర్లో మ్యూజిక్ను అనురుద్ ఇరగదీశాడు. విజయ్ అభిమానులకు ఈ బీస్ట్.. వేసవికాలంలో ఫీస్ట్ చేయడం ఖాయమనిపిస్తోంది.