Vijay: వయస్సు కనపడకుండా చేయడానికి రూ. 6 కోట్లా.. ?

Vijay: కోలీవుడ్ స్టార్ హీరో విజయ్ ఈ ఏడాది వారసుడు సినిమాతో వచ్చి ప్రేక్షకులను నిరాశపర్చినా.. లియో సినిమా మాత్రం మంచి పాజిటివ్ టాక్ నే అందుకుంది. తెలుగు లో మిక్స్డ్ టాక్ ను అందుకున్నా.. తమిళ్ లో మాత్రం హిట్ అందుకుంది. ఇక ప్రస్తుతం విజయ్.. వెంకట్ ప్రభు దర్శకత్వంలో ఒక సినిమా చేస్తున్నాడు. ఈ ఏడాది వెంకట్ ప్రభు దర్శకత్వంలో వచ్చిన కస్టడీ ఆశించిన ఫలితాన్ని అందుకోలేకపోయింది. దీంతో విజయ్ తో ఒక మంచి సినిమా తీసి హిట్ అందుకోవాలనుకుంటున్నాడు డైరెక్టర్. అంతే కాకుండా ఈ సినిమానే విజయ్ చివరి సినిమా అని టాక్ నడుస్తోంది. ఈ సినిమా తరువాత విజయ్.. సినిమా కెరీర్ కు ఫుల్ స్టాప్ పెట్టి.. రాజకీయ ప్రవేశం చేయనున్నాడు. దీంతో ఈ చిత్రంపై అభిమానులు ఎన్నో అంచనాలను పెట్టుకున్నారు. ప్రస్తుతానికి ఈ చిత్రం శరవేగంగా షూటింగ్ జరుపుకుంటుంది.

ఇక ఈ సినిమాలో విజయ్ విభిన్నమైన గెటప్స్ లో కనిపించనున్నాడట. ఇందుకోసం వెంకట్ ప్రభు.. కొత్త టెక్నాలిజీని వాడబోతున్నట్లు వార్తలు వినిపిస్తున్నాయి. ఈ మధ్యకాలంలో హీరోలు యుక్తవయస్సులో ఉన్నప్పుడు కథలో కుర్ర హీరోలను చూపించకుండా.. హీరోలకే మేకప్ వేసి.. తక్కువ వయస్సు ఉన్నవారిలా చూపిస్తున్నారు. ఈ మధ్య టైగర్ నాగేశ్వరరావు లో రవితేజ అలానే కనిపించాడు. అయితే.. విజయ్ కు కూడా అలాంటి మేకప్ వేయాలని ట్రై చేసినా.. వర్క్ అవుట్ అవ్వదని తెలిసి.. కొత్త టెక్నాలజీని తీసుకొస్తున్నాడట వెంకట్ ప్రభు.. దీనికోసం దాదాపు రూ. 6 కోట్లు ఖర్చుపెడుతున్నారట. విజయ్ 19 ఏళ్ల వయస్సులో ఉన్నట్లు కనిపించడం కోసం.. వెంకట్ ప్రభు చాలా జాగ్రత్తలు తీసుకుంటున్నాడని తెలుస్తోంది. మరి ఈ సినిమాతో విజయ్ ఎలాంటి విజయాన్ని అందుకుంటాడో చూడాలి.