Hanuman: శ్రీరాముని ఆశీస్సులు కూడా అందాయి… ఇక ట్రైలర్ రావడమే లేట్

ప్రశాంత్ వర్మ డైరెక్షన్ లో, తేజా సజ్జా హీరోగా అనౌన్స్ అయిన సినిమా ‘హనుమాన్’. వరల్డ్స్ ఫస్ట్ సూపర్ హీరోగా ‘హనుమాన్’ ప్రమోట్ అయ్యి ఇప్పుడు భారీ ప్రాజెక్ట్ గా మారింది. ఒక చిన్న సినిమాగా మొదలై పాన్ ఇండియా క్రేజ్ ని సొంతం చేసుకున్న ఈ సినిమా జనవరి 12న ఆడియన్స్ ముందుకి రానుంది. సంక్రాంతి సీజన్ ని టార్గెట్ చేస్తున్న హనుమాన్ మూవీ తక్కువ బడ్జట్ లో, రిచ్ విజువల్స్ తో, హ్యూజ్ స్పాన్ ని సొంతం చేసుకుంది. అనౌన్స్మెంట్ తోనే ఇండియన్ ఆడియన్స్ ని ఆకట్టుకున్న హనుమాన్, ప్రమోషనల్ కంటెంట్ తో హైప్ పెరిగేలా చేసింది. యునానిమస్ గా ప్రతి ఒక్కరికీ హనుమాన్ సినిమా సూపర్ హిట్ అవుతుంది, పాన్ ఇండియా రేంజులో సాలిడ్ కలెక్షన్స్ ని రాబడుతుంది అనే నమ్మకం ఉంది. టీజర్ తో ఏర్పడిన నమ్మకాన్ని మరింత పెంచడానికి హనుమాన్ ట్రైలర్ బయటకి రాబోతుంది.

డిసెంబర్ 19న ఉదయం 10:08 నిమిషాలకి హనుమాన్ ట్రైలర్ ని రిలీజ్ కానుంది. ఇండియాలోనే మేజర్ సెంటర్స్ లో ట్రైలర్ లైవ్ ప్రివ్యూ వేయనున్నారు. హైదరాబాద్ లోని AMB థియేటర్ లో రేపు ఉదయం 10 గంటల నుంచి హనుమాన్ ట్రైలర్ లాంచ్ ఈవెంట్ జరగుంది. ఈ ట్రైలర్ బయటకి వస్తే హనుమాన్ సినిమా హైప్ స్కై హైకి చేరుతుంది. ఇంసైడ్ టాక్ ప్రకారం హనుమాన్ ట్రైలర్ గూస్ బంప్స్ తెప్పించే రేంజులో ఉంటుందట. ఇదే నిజమైతే సంక్రాంతికి హనుమాన్ సినిమా పాన్ ఇండియా హిట్ కొట్టడం గ్యారెంటీ. ఇదిలా ఉంటే హనుమాన్ సినిమా రిలీజ్ సంధర్భంగా విశ్వ హిందూ పరిషద్, అయోధ్యలోని రామ మందిరంలో శ్రీరామున్నీ తాకిన అక్షింతలని తేజా సజ్జా అందించారు. హనుమంతుడి టచ్ ఉన్న సినిమాకి శ్రీరాముని ఆశీస్సులు అందడం గొప్ప విషయం.