Samantha: బాలీవుడ్ హీరో వరుణ్ ధావన్, హీరోయిన్ సమంత జంటగా ది ఫ్యామిలీ మ్యాన్ క్రియేటర్స్ రాజ్ అండ్ డీకే తెరకెక్కిస్తున్న సిరీస్ సిటాడెల్. అమెజాన్ ప్రైమ్ నిర్మిస్తున్న ఈ సిరీస్ పై అభిమానులు భారీ అంచనాలను పెట్టుకున్నారు. ఇక ప్రస్తుతం సిటాడెల్ టీమ్ సెర్బియా లో షూటింగ్ జరుపుకుంటుంది. తాజాగా సిటాడెల్ టీమ్ .. రాష్ట్రపతి ద్రౌపది ముర్మును మర్యాద పూర్వకంగా కలిశారు. సెర్బియాలో వారు ద్రౌపది ముర్మును కలిసినట్లు తెలిపారు. ఇక ఇందుకు సంబంధించిన ఫోటోలను వరుణ్ ధావన్ ఇన్స్టాగ్రామ్ వేదికగా పంచుకున్నాడు. “టీమ్ సిటాడెల్ ఇండియా గౌరవనీయులైన భారత రాష్ట్రపతి శ్రీమతి ద్రౌపది ముర్ము గారిని కలిసే అధికారాన్ని పొందింది. సెర్బియాలో ద్రౌపది ముర్ము జీ. మేడమ్ మిమ్మల్ని కలవడం ఎంత గొప్ప అదృష్టంగా భావిస్తున్నాం” అని తెలిపారు. సిటాడెల్ టీమ్ తో ద్రౌపది ముర్ము కొద్దిసేపు ముచ్చటించినట్లు తెలుస్తుంది. ప్రస్తుతం ఈ ఫోటోలు నెట్టింట వైరల్ గా మారాయి.
Aata Sundeep: పెళ్లి తరువాత లవ్ ఎఫైర్.. నా భార్యే దగ్గర ఉండి ముద్దు పెట్టించింది
ఇకపోతే సిటాడెల్ ఇప్పటికే ఇంగ్లిష్ లో ప్రియాంక చోప్రా నటించిన విషయం తెల్సిందే. అయితే ఆ సిటాడెల్ ప్రీక్వెల్ గా ఈ సిరీస్ ను తెరకెక్కిస్తున్నట్లు సమాచారం. ప్రియాంక చోప్రా తల్లిదండ్రులుగా వరుణ్, సమంత కనిపిస్తున్నట్లు సమాచారం. ఈ సిరీస్ కోసం సామ్.. చాలా కష్టపడుతుంది. యాక్షన్ సీక్వెన్స్ లో సామ్ తన విశ్వరూపాన్ని చూపించనుందని టాక్. త్వరలోనే ఈ సిరీస్ ప్రేక్షకుల ముందుకు రానుంది. ఇక తెలుగులో సమ .. ఖుషీ సినిమాలో నటిస్తోంది. ప్రస్తుతం సామ్ ఫోకస్ అంతా సిటాడెల్ మీదనే ఉందని తెలుస్తోంది. మరి ఈ సిరీస్ తో సామ్ ఎలాంటి విజయాన్ని అందుకుంటుందో చూడాలి.