Teachers’ Day Special : తెరపై గురువులు!
- Follow Us :
-
-
Add as a preferred
source on google
‘గురువు’ అంటే చీకటిని పారద్రోలేవారు అని అర్థం. తల్లి, తండ్రి తరువాత అందుకే గురువుకే ప్రాధాన్యమిచ్చారు. గురువును సాక్షాత్ పరబ్రహ్మంతోనూ పోల్చారు. సెప్టెంబర్ 5వ తేదీని యావద్భారతమూ ఉపాధ్యాయ దినోత్సవంగా భావించి, గురుపూజ్యోత్సవం చేసుకుంటూ ఉండడం ఓ సంప్రదాయంగా మారింది. ఆ నాటి రాష్ట్రపతి, మన తెలుగువారు సర్వేపల్లి రాధాకృష్ణన్ పుట్టినరోజయిన సెప్టెంబర్ 5ను అనేక సంవత్సరాలుగా గురుపూజ్యోత్సవం చేసుకుంటున్నాం. మన సినిమాల్లోనూ అగ్రనటులు కొందరు పంతుళ్ళ పాత్రల్లో అలరించారు. ఒకప్పుడు పాఠశాలలో పనిచేసే పంతుళ్ళ పాత్రలే ఎక్కువగా తెరపై కనిపించాయి. తరువాతి రోజుల్లో విద్య బోధించి, విద్యార్థుల్లో చైతన్యం తీసుకు వచ్చే అధ్యాపక పాత్రలూ తెరపై కనిపించి ఆకట్టుకున్నాయి.
నటరత్న యన్టీఆర్ అనేక చిత్రాలలో ఉపాధ్యాయునిగానూ, అధ్యాపకునిగానూ నటించి అలరించారు. “మిస్సమ్మ, వివాహబంధం, దేవత, పుణ్యవతి, బడిపంతులు, విశ్వరూపం” వంటి చిత్రాలలో రామారావు పంతులుగానూ, పాఠాలు చెప్పే లెక్చరర్ గానూ కనిపించి ఆకట్టుకున్నారు. నటసమ్రాట్ ఏయన్నార్ “సుమంగళి, తాండవకృష్ణుడు, గురుబ్రహ్మ” వంటి చిత్రాలలో పాఠాలు చెప్పే పాత్రల్లో నటించి అలరించారు. ‘బలిపీఠం’ చిత్రంలో శోభన్ బాబు పంతులుగా నటించారు. ‘అమ్మమాట’లోనూ హీరోయిన్ కు పాఠాలు చెప్పే పాత్ర ధరించారు శోభన్. ‘మనుషులు-మట్టిబొమ్మలు’లో కృష్ణ స్కూల్ టీచర్ గా కనిపించారు. కృష్ణంరాజు ‘త్రిశూలం’లో మాస్టారుగా ఆకట్టుకున్నారు. ‘పిచ్చిపంతులు’లో మురళీమోహన్ పంతులుగానే నటించారు. ‘మూడుముళ్ళు’ చిత్రంలో చంద్రమోహన్ కూడా స్కూల్ టీచర్ గా కనిపించారు.
Also Read
తరువాతి తరం హీరోల్లో చిరంజీవి ‘మాస్టర్’లో లెక్చరర్ గా కనిపిస్తే, బాలకృష్ణ ‘సింహా’లో అధ్యాపకునిగా నటించారు. వెంకటేశ్ ‘సుందరకాండ’లో లెక్చరర్ గా అభినయించారు. ‘గీతగోవిందం’లో విజయ్ దేవరకొండ కూడా అధ్యాపకునిగా నటించి ఆకట్టుకున్నారు. ఇలా పలు తరాల హీరోలు పంతుళ్ళుగానూ, అధ్యాపకులుగానూ నటించి జనాన్ని మురిపించారు. వీరేకాదు ఎందరో హీరోలు తెరపై పాఠాలు చెప్పి ఆకట్టుకున్న సందర్భాలున్నాయి. ఈ టీచర్స్ డే సందర్భంగా కాసేపు వీరందరినీ గుర్తు చేసుకున్నాం. మీకు కూడా ఎవరైనా ప్రముఖ నటులు పంతుళ్ళ పాత్రలో అలరించిన చిత్రాలు గుర్తుకు వస్తే సదరు సినిమాలను ఈ సందర్భంగా మననం చేసుకోండి.
తాజావార్తలు
-
Koti Deepotsavam 2026 Day-8 Live: నేడు మరో విశేష ఘట్టం.. నరసింహస్వామి మహాభిషేకం.. తులసీ దామోదర కల్యాణం
-
Hanuman 2 : వివాదానికి తెరలేపనున్న హనుమాన్ 2 ప్రకటన?
-
Human Skull Found : మొన్న మహిళ కాలు.. నేడు మనిషి పుర్రె.. ఇబ్రహీంపట్నంలో మిస్టరీ
-
Anchor Suma: మాట్లాడాలంటే వణికిపోతున్నారా? ఆ భయాన్ని పోగొట్టడానికి సుమ కొత్త అవతారం
-
Akhilesh Yadav: కాంగ్రెస్తో పొత్తుపై అఖిలేష్ కీలక ప్రకటన.!
-
Traditional Indian Textile Recycling : పాత చీరలతో కొత్త మ్యాజిక్.. మన అమ్మమ్మల ఫ్యాషన్ సీక్రెట్.!
ట్రెండింగ్
-
Best Winter Destinations in India : వింటర్ ట్రిప్ ప్లాన్ చేస్తున్నారా?.. ఈ 10 ప్రదేశాలు మిస్ కావొద్దు.!
-
Curry Leaves Pickle: కమ్మని రుచితో, నెలల తరబడి నిల్వ ఉండే ‘కరివేపాకు పచ్చడి’.. వేడి వేడి అన్నంలోకి తింటే వావ్ అనాల్సిందే..!
-
Ambati Rayudu: హైదరాబాద్ ఆటగాళ్లకు ఎప్పుడూ అన్యాయమేనా..? ముంబై ఆటగాళ్లపై సంచలన వ్యాఖ్యలు..!
-
Ambati Rayudu: పని చేయాలంటే కోహ్లీలా.. పని చేయించాలంటే ధోనీలా ఉండాలి.!
-
Couple Attacked: పార్కులో ఫొటోలు దిగుతున్న జంటపై కర్రలతో దాడి.. అదుపులోకి 8 మంది మైనర్లు..!