Tammareddy Bharadwaja Sensational Comments On Telugu Film Chamber Of Commerce Elections: ఆదివారం టాలీవుడ్‌లో అత్యంత ప్రతిష్టాత్మకమైన తెలుగు ఫిల్మ్ ఛాంబర్ ఆఫ్ కామర్స్ (టీఎఫ్‌సీసీ) ఎన్నికలు ప్రారంభమైన విషయం తెలిసిందే. ఉదయం 8 గంటల నుంచి మధ్యాహ్నం 3 గంటల వరకు పోలింగ్‌ జరగనుండగా.. కౌంటింగ్ సాయంత్రం 4 గంటలకు, ఫలితాలు సాయంత్రం 6 గంటలకు వెల్లడి కానున్నాయి. రెండు సంవత్సరాలకు ఒకసారి జరిగే ఈ ఎన్నికల్లో.. ఈసారి అధ్యక్ష బరిలో నిర్మాతలు దిల్‌‌రాజు, సీ కల్యాణ్‌ పోటీ పడుతున్నారు. టీఎఫ్‌సీసీలోని నాలుగు విభాగాల్లో (ప్రొడ్యూసర్, డిస్ట్రిబ్యూషన్, స్టూడియో, ఎగ్జిక్యూటివ్) సభ్యులు.. ఇందులో ఓటర్లుగా ఉంటారు. మొత్తం 1600 మంది సభ్యులుండగా.. దాదాపు 900 మంది తమ ఓటు హక్కును వినియోగించుకోనున్నారు.
Jailer: రజినీ హుకుమ్ జారీ చేసాడు
ఇదిలావుండగా.. ఈ ఎన్నికలపై ప్రముఖ దర్శకనిర్మాత తమ్మారెడ్డి భరద్వాజ సంచలన వ్యాఖ్యలు చేశారు. ఈ ఎన్నికలు చూస్తుంటే సంతోషపడాలో, ఏడ్వాలో తెలియడం లేదన్నారు. ఇప్పటివరకు తాను ఎన్నో ఎన్నికలు చూశానని, ప్రెసిడెంట్‌గా కూడా గెలిచానని గుర్తు చేసుకున్నారు. కానీ.. లోపల, బయట వాతావరణంచూస్తుంటే.. ఛాంబర్ ఎదిగిందని సంతోసహాపడాలా? లేక జనరల్ ఎన్నికల తరహాలో ఈ ఎలక్షన్స్ జరుగుతున్నాయని సిగ్గుపడాలో అర్థం కావడం లేదన్నారు. అసలు సభ్యులు దేనికి పోటీ పడుతున్నారో, ఎందుకు కొట్టుకుంటున్నారో తనకు తెలియదన్నారు. తాను ఛాంబర్‌లో చాలా సంవత్సరాలు పని చేశానని, తన తండ్రి కూడా పని చేశారని అన్నారు. ఛాంబర్ అనేది అన్ని సెక్టార్స్‌కి మంచి చేయటానికి ఉందని, అయితే ఎలక్షన్స్ కాంపెయిన్ చూస్తుంటే భయమేస్తుందని వెల్లడించారు. ఇలాంటివి భవిష్యత్తులో జరగకూడదని కోరుకుంటున్నానని ఆశాభావం వ్యక్తం చేశారు.
Kiara Advani: ఆ కోరిక కోసం తహతహలాడుతున్న కియారా.. ఎప్పుడు తీరుతుందో?