Surekha Vani: నా మొగుడు ఉన్నా కూడా నేను ఇలానే చేసేదాన్ని.. సురేఖావాణి సంచలన వ్యాఖ్యలు

Surekha Vani: టాలీవుడ్ ఇండస్ట్రీలో సురేఖా వాణి గురించి కానీ, ఆమె కూతురు సుప్రీత గురించి కానీ ప్రత్యేకంగా చెప్పాల్సిన అవసరం లేదు. ముఖ్యంగా సోషల్ మీడియాను ఫాలో అయ్యేవారికి అయితే అస్సలు చెప్పనవసరం లేదు. సినిమాల్లో ఎంత పద్దతిగా సురేఖ కనిపిస్తుందో.. రియల్ గా దానికి రివర్స్ లో పక్కా ఫ్యాషన్ బుల్ గా ఉంటుంది. ఇక కూతురుతో పబ్ లు, పార్టీలు, మందు, చిందులు.. ఒకటిని కాదు. ఇక ఇవి కాకుండా రీల్స్, ఇంటర్వ్యూలో ఘాటు ఘాటు సమాధానాలు.. ఇవన్నీ చూస్తున్న నెటిజన్స్ వారిని విమర్శిస్తున్నారు. అంతేకాకుండా భర్త పోయాకా విచ్చలవిడి తనం ఎక్కువ అయ్యిందని, సోషల్ మీడియాలో రీల్స్ చేసిన వీడియోల కింద అసభ్యకరమైన కామెంట్స్ పెడుతూ వస్తున్నారు. ఇక ఈ మధ్య ఆమె గుండు చేయించుకోవడం కూడా హాట్ టాపిక్ గా మారింది.

ఇక తాజాగా ఈ కామెంట్స్ అన్నింటికి సురేఖా వాణి సమాధానం చెప్పుకొచ్చింది. ఒక ఇంటర్వ్యూలో పాల్గొన్న ఆమె సోషల్ మీడియాలో వచ్చే కామెంట్స్ గురించి మాట్లాడుతూ.. ” నా పెళ్ళైన కొత్తలో నేను గుండు చేయించుకున్నాను.. మళ్లీ 20 ఏళ్ళ తరువాత గుండు చేయించుకున్నాను. ఏమో లైఫ్ అంతా ఏదోలా అనిపించింది. అసలు ఏంటి ఇది.. ? అనిపించింది. మేమెప్పుడూ తిరుపతి, శ్రీశైలం వెళ్తూ ఉంటాం. మొన్న తిరుపతి వెళ్ళినప్పుడు.. దేవుడా నాకు ప్రశాంతమైన లైఫ్ ఇవ్వు.. ఇంకేం వద్దు అని మొక్కుకొని గుండు చేయించుకున్నాను.. అంతే. అప్పుడు అంటే మీడియా ఎక్కువ లేదు కాబట్టి తెలియలేదు. ఇప్పుడు మీడియా ఫీల్డ్ లో ఉండి ఎలా అని అడుగుతున్నారు” అని చెప్పుకొచ్చింది.

ఇక ఈ వివాదాలు అన్ని జరగడానికి నేను కూడా కారణం అని మీకెప్పుడైనా అనిపించిందా.. ? అన్న ప్రశ్నకు.. ” నేనెప్పుడూ అలా అనుకోలేదు. నా ప్రమేయం లేకుండా చాలా జరిగాయి. నేను ఏది కావాలని చేసింది లేదు. కాంట్రవర్సీలు ఎక్కడ వస్తున్నాయి. నా కూతురుతో కలిసి బయటికి వెళ్ళినప్పుడో.. ఫోటోలు పెట్టినప్పుడో వస్తున్నాయి. వీటి కోసం మాట్లాడుతున్నారు. అందుకే మాట్లాడుకోనివ్వమని అంటున్నాను. ఇది నేను.. ఇది నా లైఫ్.. నేను ఇలాగే ఉంటాను. ఇక వీటికి ఇంకొంచెం యాడ్ చేసి ఏం అంటున్నారు అంటే.. మొగుడు పోయాక విచ్చలవిడితనం అని. నేను నా 19 ఏళ్లకు పెళ్లి చేసుకున్నాను. 20-25 ఏళ్లకే 45 ఏళ్లలా అన్ని చూసుకున్నాను. ఇప్పుడు నాకు 42. ఇప్పుడు నేను 20 ఏళ్లలో ఉన్నట్లు ప్రవర్తిస్తున్నాను. నేను నా కూతురితో ఎంజాయ్ చేస్తున్నాను. ట్రిప్స్ కు వెళ్ళాలి. నా మొగుడు ఉన్నా కూడా ఇదే జరిగేదేమో..ఖచ్చితంగా ఇలానే ఉండేదాన్ని ఏమో. అప్పుడు నాకు ఎక్స్ పోజర్ లేదు. ఇప్పుడు నాకు అది ఉంది” అని చెప్పుకొచ్చింది. ప్రస్తుతం ఈ వ్యాఖ్యలు నెట్టింట వైరల్ గా మారాయి.