Rao Bahadur: “మీ కాలర్ పట్టుకుని లాగుతుంది.. బాడీలోకి పూనకాలు తెప్పిస్తుంది!” రావు బహదూర్’ మహేష్ బాబు రివ్యూ!

టాలీవుడ్ వెర్సటైల్ యాక్టర్ సత్యదేవ్ ప్రధాన పాత్రలో నటించిన మోస్ట్ అవేటెడ్ సైకలాజికల్ డ్రామా ‘రావు బహదూర్’. ‘కేరాఫ్ కంచరపాలెం’ ఫేమ్ వెంకటేష్ మహా కథ, స్క్రీన్‌ప్లే, ఎడిటింగ్ బాధ్యతలు చూస్తూ ప్రతిష్టాత్మకంగా తెరకెక్కించిన ఈ సినిమా ఇప్పటికే విడుదలైన గ్లింప్స్, టీజర్, సాంగ్స్‌తో ప్రేక్షకుల్లో భారీ అంచనాలను క్రియేట్ చేసింది. ఈ క్రేజీ ప్రాజెక్ట్‌ను సూపర్ స్టార్ మహేష్ బాబు, నమ్రతా శిరోద్కర్ తమ సొంత బ్యానర్ ‘GMB ఎంటర్‌టైన్‌మెంట్’ పతాకంపై సమర్పిస్తుండటం విశేషం. జూలై 3న ఈ సినిమా ప్రపంచవ్యాప్తంగా థియేటర్లలో విడుదల కాబోతోంది. ఈ నేపథ్యంలో సినిమా ఫైనల్ కట్ చూసిన ప్రెజెంటర్, సూపర్ స్టార్ మహేష్ బాబు.. చిత్ర యూనిట్‌పై ప్రశంసల జల్లు కురిపిస్తూ సోషల్ మీడియా వేదికగా ఇచ్చిన అల్టిమేట్ రివ్యూ ఇప్పుడు సోషల్ మీడియాను షేక్ చేస్తోంది.

డైరెక్టర్ వెంకటేష్ మహా ఈ కథను చెప్పిన మొదటి రోజు నుంచే మహేష్ బాబు ఈ ప్రాజెక్ట్‌తో ఎమోషనల్‌గా ట్రావెల్ అయ్యారు. కేవలం పేరుకే ప్రెజెంటర్‌గా కాకుండా.. సినిమా స్క్రిప్ట్ వర్క్ దగ్గర నుంచి పోస్ట్ ప్రొడక్షన్ పూర్తి అయ్యేంత వరకు ప్రతి విషయంలోనూ మహేష్ ప్రత్యేక శ్రద్ధ పెట్టారు. తాజాగా ఎడిటింగ్ పూర్తి చేసుకున్న ఫైనల్ అవుట్‌పుట్ చూసిన సూపర్ స్టార్.. తాను నమ్మిన కంటెంట్ స్క్రీన్ పై అంతకంటే అద్భుతంగా రావడంతో థ్రిల్ అయ్యారు. చిత్ర యూనిట్ అంతా గర్వపడేలా సోషల్ మీడియాలో తన పర్సనల్ రివ్యూను పంచుకున్నారు.

మహేష్ బాబు తన అఫీషియల్ సోషల్ మీడియా అకౌంట్‌లో రాస్తూ.. “రావు బహదూర్… ఇది కేవలం మీ కాలర్ పట్టుకుని లాగే సినిమా మాత్రమే కాదు.. మీ బాడీలోకి, మీ స్కిన్ లోకి దూరిపోయే ఒక ఇంటెన్స్ ఎమోషన్!!! ఒక వింతైన, అందమైన, అత్యంత నాటకీయమైన సరికొత్త ప్రపంచాన్ని దర్శకుడు వెంకటేష్ మహా అద్భుతంగా సృష్టించాడు. ఇక ఆ ప్రపంచాన్ని నటుడు సత్యదేవ్ తన విశ్వరూపంతో పూర్తిగా ఆక్రమించేశాడు.. వండర్‌ఫుల్ పెర్ఫార్మెన్స్! హీరోయిన్ దీపా థామస్ తన నటనతో స్క్రీన్ పై మెరిసిపోయింది. టెక్నికల్ టీమ్, మిగతా నటీనటులు సినిమాకు అండగా నిలిచారు. ఈ టీమ్ మొత్తాన్ని చూస్తే నాకు చాలా గర్వంగా ఉంది. జూలై 3 నుంచి థియేటర్లలో ‘రావు బహదూర్’ సృష్టించబోయే ఆ Madness మీరు చూడటానికి నేను ఎంతగానో ఎదురుచూస్తున్నాను” అంటూ హార్ట్ ఎమోజీలను షేర్ చేశారు.