Mahesh Babu: ఆ గడ్డ మహేష్ బాబు అడ్డా…

సూపర్ స్టార్ మహేష్ బాబు ఫ్యాన్ బేస్ గురించి, ఆయన సినిమాలు క్రియేట్ చేసిన కలెక్షన్ల రికార్డుల గురించి ప్రత్యేకించి చెప్పాల్సిన అవసరం లేదు. పోకిరితో ఇండస్ట్రీ రికార్డులు తిరగ రాసి, భరత్ అనే నేను సినిమాతో నాన్ బాహుబలి రికార్డులు సృష్టించి, సర్కారు వారి పాట సినిమాతో ఓపెనింగ్స్ లో కొత్త హిస్టరీ క్రియేట్ చేసాడు మహేష్. తెలుగు రాష్ట్రాల్లో మాత్రమే కాదు కలెక్షన్ల ట్రాకింగ్ ఉన్న ఓవర్సీస్ లో కూడా మహేష్ బాబు టాప్ ప్లేస్ లోనే ఉన్నాడు. ఒకటి కాదు రెండు కాదు ఏకంగా 11 వన్ మిలియన్ డాలర్స్ సినిమాలతో మహేశ్ బాబు తెలుగులో ఇతర హీరోలకి ఇప్పట్లో అందనంత దూరం మైంటైన్ చేస్తూ టాప్ ప్లేస్ లో ఉన్నాడు. మహేష్ చేసిన 27 సినిమాల్లో ఈ ఫీట్ సాధించడం మాములు విషయం కాదు. అందుకే ఓవర్సీస్ గడ్డ మహేష్ బాబు అడ్డా అంటుంటారు ఘట్టమనేని అభిమానులు. మహేష్ తర్వాతి స్థానాల్లో తెలుగు నుంచి నాని, ఎన్టీఆర్ లు సెకండ్ ప్లేస్ లో ఉన్నారు.

అసలు ఇప్పుడు ఓవర్సీస్ కలెక్షన్స్ టాపిక్ ఎందుకు వచ్చింది అంటే సోషల్ మీడియాలో ఈరోజు ఉదయం నుంచి మహేష్ బాబు టాగ్ ట్రెండ్ అవుతుంది. ఎందుకంటే అమెరికా మార్కెట్ లో అత్యధిక సార్లు 1 మిలియన్ డాలర్స్ రాబట్టిన హీరోల లిస్ట్ పోస్ట్ అయ్యింది. ఇందులో కింగ్ ఖాన్ షారుఖ్ ఖాన్ 30 సార్లు, ఖిలాడీ అక్షయ్ కుమార్ 25 సార్లు, భాయ్ జాన్ సల్మాన్ ఖాన్ 23 సార్లు, హ్రితిక్ రోషన్ 17 సార్లు, మిస్టర్ పర్ఫెక్ట్ ఆమిర్ ఖాన్ 13 సార్లు, యాక్షన్ హీరో అజయ్ దేవగన్ 12 సార్లు వన్ మిలియన్ డాలర్స్ ని రాబట్టారు. ఈ లిస్టులో తెలుగు మాత్రమే కాదు మొత్తం సౌత్ నుంచి మహేష్ బాబు మాత్రమే ఉండడం విశేషం. లిస్టులో ఉన్న బాలీవుడ్ హీరోలందరూ కనీసం నలభైకి పైగా సినిమాలు చేసిన వాళ్లే, అతి తక్కువ సినిమాలు చేసింది మహేష్ బాబు మాత్రమే. SSMB 28, SSMB 29 సినిమాలతో మహేష్ తన ఓవర్సీస్ రికార్డులని మరింత స్ట్రాంగ్ చేసుకుంటాడు.

Number of $1M Grossers in USA/CAN. pic.twitter.com/Nt7phbsyIc

— Nishit Shaw (@NishitShawHere) May 28, 2023