ATM: దొంగతనం షురూ చేసిన సన్నీ!
ప్రముఖ నిర్మాత ‘దిల్’ రాజు, హరీష్ శంకర్ సంయుక్తంగా జీ5 కోసం రూపొందిస్తున్న వెబ్ సీరిస్ ‘ఏటీఎం’ షూటింగ్ సోమవారం పూజా కార్యక్రమాలతో మొదలైంది. బిగ్ బాస్ 5 ఫేమ్ సన్నీ, దివితో పాటు సుబ్బరాజు ఇందులో కీలక పాత్ర పోషిస్తున్నాడు. ఈ నెల 27 నుండి దీని రెగ్యులర్ షూటింగ్ మొదలుకాబోతోంది.
‘దిల్’ రాజు ఫ్యామిలీ నెక్ట్స్ జనరేషన్ కు చెందిన హర్షిత్ రెడ్డి, హన్సిత రెడ్డి ఈ వెబ్ సీరిస్ ను నిర్మిస్తున్నారు. సి. చంద్రమోహన్ దర్శకత్వం వహిస్తున్న ఈ వెబ్ సీరిస్ కు హరీష్ శంకర్ కథను అందించారు. ఇటీవల ‘ఏటీఎం’ వెబ్ సీరిస్ కోసం కాస్టింగ్ కాల్ కు పిలుపునివ్వగా భారీ స్పందన వచ్చింది. వారితో పాటు ప్రముఖ నటీనటులూ ఈ వెబ్ సీరిస్ లో కీలక పాత్రలు పోషించబోతున్నారు. ప్రశాంత్ విహారి సంగీతాన్ని, పీజీ వింద సినిమాటోగ్రఫీ బాధ్యతలను నిర్వర్తించబోతున్నారు.