Sukumar: టాలీవుడ్ టాప్ మోస్ట్ డైరెక్టర్స్ లో సుకుమార్ ఒకరు. పుష్ప లాంటి సినిమాను తీసి.. అల్లు అర్జున్ కు జాతీయ అవార్డు వచ్చేలా చేశాడు. ప్రస్తుతం పుష్ప 2 సినిమాతో బిజీగా ఉన్నాడు ఉన్నాడు. త్వరలోనే ఈ సినిమా ప్రేక్షకుల ముందుకు రానుంది. ఇక సుకుమార్ సినిమాల విషయం పక్కన పెడితే.. తన వృత్తికి ఎంత ప్రాధాన్యత ఇస్తాడో కుటుంబానికి కూడా అంతే సమయం కేటాయిస్తాడు. సుక్కుకి తన పిల్లలు, సతీమణి అంటే అమితమైన ప్రేమ. గతంలో కూడా సుకుమార్ పెళ్ళికి ముందు తన భార్య తబితతో జరిగిన లవ్ స్టోరీని వివరించాడు.ఇక సుకుమార్ భార్య తబితా సుకుమార్ కూడా ఒక బిజినెస్ విమెన్. ఇక పర్సనల్ గా సోషల్ మీడియా లో చాలా తక్కువ కనిపిస్తాడు సుక్కు. తన సినిమాలకు సంబంధించిన విషయాలను మాత్రమే అభిమానులతో పంచుకుంటాడు.
తాజాగా సుకుమార్ కుమార్తె సుకృతి బర్త్ డే వేడుకలు ఘనంగా జరిగాయి. సుకృతి గురించి చాలామందికి తెలుసనే చెప్పాలి. పుష్ప ప్రీ రిలీజ్ ఈవెంట్ లో తన తండ్రి గురించి ఎమోషనల్ గా మాట్లాడి హైలైట్ అయింది. అప్పటినుంచి ఆమె కూడా చిన్నపాటి సెలబ్రిటీగా మారిపోయింది. ఇకపోతే ఈ చిన్నదాని బర్త్ డే ఫొటోస్ ను తల్లి తబితా సోషల్ మీడియా ద్వారా పోస్ట్ చేస్తూ.. బర్త్ డే విషెస్ తెలిపింది. ఇక ఈ బర్త్ డే పార్టీలో సుకృతి హైలైట్ గా నిలిచింది. బ్లాక్ కలర్ మినీ టైట్ స్కర్ట్ వేసుకొని అందంగా కనిపించింది. చూస్తుంటే ఈ చిన్నది త్వరలోనే హీరోయిన్ అయ్యే అవకాశాలు ఉన్నట్లు తెలుస్తోంది. సుకృతికి ఇన్స్టాగ్రామ్ పేజీ.. 130K ఫాలోవర్స్ కూడా ఉన్నారు. మరి ఫ్యూచర్ లో సుకృతి.. తండ్రి దర్శకత్వంలో ఎంట్రీ ఇస్తుందేమో చూడాలి.