Suhana Khan Pics : చిట్టిపొట్టి బట్టలకు బైబై… శారీలోకి మారిన స్టార్ డాటర్

బాలీవుడ్ బాద్ షా షారూఖ్ ఖాన్ ముద్దుల కూతురు సుహానా ఖాన్ ఇప్పటికే సోషల్ మీడియాలో ఫుల్ పాపులర్. ఆమె ఇంకా బాలీవుడ్ గ్లామరస్ ప్రపంచంలోకి ఎంట్రీ ఇవ్వలేదు. కానీ సుహానన్ తన సిజ్లింగ్ లుక్స్, ట్రెండీ దుస్తులతో ఇప్పటికే భారీ అభిమానులను సంపాదించుకోగలిగింది. అయితే ఆమె ఇంతవరకూ తన వెస్ట్రన్, ఇన్-ట్రెండ్ ఫ్యాషన్ దుస్తులతో అభిమానులను అలరించింది. కానీ ఇప్పుడు మాత్రం అందరికీ సర్ప్రైజ్ ఇస్తూ ఎథెనిక్ దుస్తువుల్లో కన్పించింది. ఆ ఫోటోలు ఇప్పుడు సోషల్ మీడియాలో వైరల్ అవుతున్నాయి.

Read Also : RC 15 : లీక్ రాయుళ్లకు మేకర్స్ స్ట్రాంగ్ వార్నింగ్

ఈ రోజు సుహానా తన తాజా చిత్రాలతో నెటిజన్లను ఆశ్చర్యపరిచింది. ఆమె మొదటిసారిగా శారీలో కన్పించడం నెట్టింట్లో హాట్ టాపిక్ గా మారింది. మనీష్ మల్హోత్రా డిజైన్ చేసిన ఎరుపు రంగు చీరలో ఆమె సొగసు అభిమానులను ఆకట్టుకుంటోంది. సెలబ్రిటీ ఫ్యాషన్ డిజైనర్ మనీష్ మల్హోత్రా తన అధికారిక ఇన్‌స్టాగ్రామ్ హ్యాండిల్‌ లో ఈ ఫోటోలను షేర్ చేశారు. బ్లింగి స్లీవ్‌లెస్ బ్లౌజ్‌తో కూడిన డిజైనర్ ఎరుపు రంగు శారీలో, డస్కీ స్కిన్ టోన్‌ తో సుహానా శారీలోనూ మోడ్రన్‌గా మహాలక్ష్మీలా మారింది. పోనీటైల్‌లో స్టైల్ తో పాటు బ్లాక్ మెటల్ చెవిపోగులు ధరించి లుక్‌ను పూర్తి చేసింది. కాగా సుహానా అంతర్జాతీయ కామిక్స్ ఆర్చీ ఆధారంగా జోయా అక్తర్ దర్శకత్వం వహించనున్న ప్రాజెక్ట్ తో బాలీవుడ్ అరంగేట్రం చేయనుంది. ఇందులో ఆమె మరో ఇద్దరు స్టార్ కిడ్స్ ఖుషీ కపూర్, అగస్త్య నందలతో స్క్రీన్ స్పేస్‌ను పంచుకోనుంది.