కోలీవుడ్ స్టార్ హీరో తల అజిత్ తండ్రి పీఎస్ మణి ఇటివలే మరణించిన విషయం తెలిసిందే. తమిళ చిత్ర పరిశ్రమతో మంచి రిలేషన్స్ ఉన్న మణి మరణించడంతో కాలీవుడ్ వర్గాలు కలత చెందాయి. స్టార్స్ హీరోలు, ఇండస్ట్రీ వర్గాలు అజిత్ కుటుంబానికి సంతాపం తెలియజేస్తున్నాయి. లియో సినిమా షూటింగ్ పూర్తి చేసుకోగానే అజిత్ ఇంటికి దళపతి విజయ్ వెళ్లి అజిత్ కి కలిశాడు. ఈ అపూర్వ కలయిక ఇలాంటి కష్ట సమయంలో చూడాల్సి వచ్చిందే అని అజిత్-విజయ్ ఫాన్స్ ఎమోషనల్ గా ఫీల్ అయ్యారు. తాజాగా స్టార్ హీరోలు సూర్య, కార్తిలు కూడా అజిత్ ఇంటికి వెళ్లారు. ఇందుకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. సూర్య, కార్తీ, అజిత్ హాష్ టాగ్స్ ని ట్రెండ్ చేస్తూ ఫాన్స్ సోషల్ మీడియాలో ట్వీట్స్ చేస్తున్నారు. ఇక సినిమాల విషయానికి వస్తే అజిత్ తన 67వ సినిమా మొదలుపెట్టే పనిలో ఉన్నాడు. సూర్య పాన్ ఇండియా మార్కెట్ ని టార్గెట్ చేస్తూ పీరియాడిక్ డ్రామా ‘సూర్య 42’ సినిమాని రెడీ చేస్తున్నాడు. కార్తీ బ్యాక్ టు బ్యాక్ సినిమాలని లైన్ లో పెట్టాడు.
Read Also: Agent: పాన్ ఇండియా టాలెంట్ ని ఒక యూనివర్స్ గా మార్చబోతున్న అఖిల్