Sonam Kapoor : పిక్ తో ప్రెగ్నన్సీని ప్రకటించిన స్టార్ హీరోయిన్

Sonam Kapoor తల్లికాబోతోంది. ఈ విషయానికి సంబంధించి ఆమె పోస్ట్ చేసిన పిక్స్ సోషల్ మీడియాలో తెగ చక్కర్లు కొడుతున్నాయి. 2020లో ‘AK vs AK’లో చివరిగా కనిపించిన బాలీవుడ్ ఫ్యాషన్‌ ఐకాన్ సోనమ్ కపూర్ అహుజా ఇప్పుడు గర్భవతి. సోనమ్ కేవలం నటి మాత్రమే కాదు ఫ్యాషన్ దివా, ఇంటీరియర్ డిజైనర్ కూడా. తాజాగా ఈ బ్యూటీ తన భర్త, వ్యాపారవేత్త ఆనంద్ అహుజాతో ఉన్న సన్నిహిత చిత్రాలను పంచుకున్నారు. తన బేబీ బంప్ చిత్రాలను షేర్ చేస్తూ మేము నీకు వెల్కమ్ చెప్పడానికి ఆతృతగా ఉన్నామంటూ రాసుకొచ్చింది.

Read Also : Ahimsa : సిల్లీ రీజన్స్ తో షూటింగ్ కు డుమ్మా?

“నాలుగు చేతులు… రెండు హృదయాలు… మేము చేయగలిగినంత ఉత్తమంగా మిమ్మల్ని పెంచడానికి… ప్రతి అడుగులో మీకు ప్రేమ, సపోర్ట్ ను అందించే ఒక కుటుంబం…. మేము మిమ్మల్ని స్వాగతించడానికి వేచి ఉండలేము” అంటూ సోఫాపై కూర్చున్న తన భర్త ఆనంద్ ఆహుజాపై పడుకున్న ఫోటోలను షేర్ చేసింది సోనమ్. 2018లో పెళ్ళి బంధంలోకి అడుగుపెట్టిన సోనమ్, ఆనంద్ త్వరలోనే తల్లిదండ్రులు కాబోతున్నారు. ఇది ఆమె అభిమానులకు నిజంగా గుడ్ న్యూస్ ! విషయం తెలుసుకున్న అభిమానులు ఈ జంటకు శుభాకాంక్షలు తెలియజేస్తున్నారు. ఇక పెళ్లి తరువాత సినిమాలు తగ్గించి, వ్యక్తిగత జీవితంపై దృష్టి పెట్టిన సోనమ్ ఇప్పుడు లండన్‌లో తన భర్తతో కలిసి నివసిస్తోంది.

View this post on Instagram

A post shared by Sonam Kapoor Ahuja (@sonamkapoor)