Skanda: ఇక్కడ నై అన్నారు.. అక్కడ జై కొట్టారు!

Skanda: కొన్ని సినిమాలను ప్రేక్షకులు భాషా పరంగా ఆదరిస్తూ ఉంటారు. అయితే తెలుగులో దారుణమైన ఫలితాన్ని అందుకున్న స్కంద మాత్రం నార్త్ ఆడియన్స్ కి బీభత్సంగా ఎక్కేసింది. బోయపాటి శ్రీను దర్శకత్వంలో రామ్ హీరోగా శ్రీ లీల హీరోయిన్గా తెరకెక్కిన స్కంద సినిమా గత ఏడాది సెప్టెంబర్ లో రిలీజ్ అయింది. అయితే ఈ సినిమా తెలుగు ఆడియన్స్ కి పెద్దగా నచ్చలేదు. సినిమాకి మిక్స్డ్ రిజల్ట్ తో పాటు రివ్యూస్ కూడా వచ్చాయి. కలెక్షన్స్ కూడా పెద్దగా రాలేదు. దీంతో సెకండ్ పార్ట్ ఉంటుందా లేదా అనే విషయం మీద కూడా క్లారిటీ లేదు. అయితే ఈ సినిమా మాత్రం నార్త్ ఆడియన్స్ కి గట్టిగా ఎక్కేసింది.

Also Read:SSMB29: మహేష్, రాజమౌళిల సినిమా టైటిల్ ఇదే..!

దానికి నిదర్శనమే ఈ సినిమా యూట్యూబ్ వ్యూస్. ఇప్పటికే ఈ సినిమా 100 మిలియన్ల వ్యూస్ దాటేయటమే కాదు ఒక మిలియన్ లైక్స్ కూడా యూట్యూబ్లో దక్కించుకోవడం గమనార్హం. ఈ సినిమాని వాం ఇండియా అనే యూట్యూబ్ ఛానల్ లో జూన్ 17వ తేదీన రిలీజ్ చేశారు. సరిగ్గా నెల 15 రోజులలోపే 100 మిలియన్లకు పైగా వ్యూస్ దక్కించుకొని ఈ సినిమా మరిన్ని వ్యూస్ దిశగా పరుగులు పెడుతోంది. గతంలో బోయపాటి డైరెక్ట్ చేసిన జయ జానకి నాయక, వినయ విధేయ రామ లాంటి సినిమాలకు కూడా నార్త్ ఆడియన్స్ నుంచి మంచి రెస్పాన్స్ వచ్చింది. ఇప్పుడు అదే దిశగా స్కంద సినిమా కూడా మంచి వ్యూస్ రాబట్టడం ఆసక్తికరమైన అంశం అని చెప్పాలి.