Singer Sunitha: మగాడి మీసాల గురించి ఇంత క్యూరియాసిటీ క్రియేట్ చేయ‌వ‌చ్చా..

Singer Sunitha: ఆనంద్ రవి,కిషోరీ దత్రక్ జంటగా శ్రీప‌తి క‌ర్రి దర్శకత్వంలో తెరకెక్కిన చిత్రం కొరమీను.. స్టోరీ ఆఫ్ ఇగోస్ అనేది కాప్షన్. మ్యాంగో మాస్ మీడియా సమర్పణలో ఫుల్ బాటిల్ ఎంటర్‌టైన్‌మెంట్స్ పతాకంపై పెళ్లకూరు సమన్య రెడ్డి ఈ సినిమాను నిర్మిస్తున్నారు. ఇప్పటికే ఈ చిత్రం నుంచి రిలీజైన పోస్టర్స్, టీజర్ ప్రేక్షకులను విశేషంగా ఆకట్టుకున్నాయి. ఇక తాజాగా ఈ సినిమాలోని తెలిసిందే లే అనే సాంగ్ లాంచ్ ఈవెంట్ హైదరాబాద్ లో ఘనంగా జరిగింది. ఈ ఈవెంట్ కు బింబిసార ద‌ర్శ‌కుడు వ‌శిష్ట‌, సింగర్ సునీత్ ముఖ్య అతిథులుగా హాజ‌ర‌య్యారు. ఈ సందర్భంగా సింగర్ సునీత మాట్లాడుతూ..” ఈ సినిమా కోసం పనిచేసిన ప్రతి ఒకరికి నా బెస్ట్ విషెస్. ఈరోజుల్లో మంచి కంటెంటే హీరో. చిన్న సినిమా, పెద్ద సినిమా అనే గీత‌లు చెరిగిపోయాయి. కంటెంట్ బావుంటే కొత్త న‌టీన‌టుల‌తో చేసిన మూవీ అయినా ప్ర‌పంచ వ్యాప్తంగా పేరుని సంపాదించుకుంటుంది. అటువంటి లిస్టులో కొర‌మీను సినిమా కూడా చేరుతుంది. న‌మ్మి డ‌బ్బులు పెట్టిన స‌మ‌న్య రెడ్డిగారికి ఆల్ ది బెస్ట్‌. ఆనంద్ ర‌విగారు నాకు హ్యాపీడేస్ నుంచి ప‌రిచ‌యం. ఆయ‌న మంచి రైట‌ర్‌, న‌టుడు అయ్యారు. ఆయ‌న‌కు కంగ్రాట్స్‌. టీజ‌ర్ చూడ‌గానే మీసాల గురించి ఇంత క్యూరియాసిటీ క్రియేట్ చేయ‌వ‌చ్చా అనిపించింది. డైరెక్ట‌ర్‌కి హ్యాట్సాఫ్‌. మ్యూజిక్ డైరెక్ట‌ర్ అనంత్ వ‌ర్క్ చూస్తే త‌న ఫ‌స్ట్ సినిమాలాగా అనిపించ‌లేదు. క‌చ్చితంగా గొప్ప పేరు తెచ్చుకుంటాడు. మ‌న జీవన విధానానికి ద‌గ్గ‌ర‌గా ఉండే సినిమాలు స‌క్సెస్ అవుతాయి. అలాంటి ఓ సినిమానే కొర‌మీను. అలాంటి మంచి కాన్సెప్ట్‌తో వ‌చ్చిన ఇది కూడా త‌ప్ప‌కుండా స‌క్సెస్ అవుతుంది. సాంగ్స్‌, మ్యూజిక్ ద్వారా ఈ పాట‌లు రిలీజ్ కావటం నాకెంతో గ‌ర్వంగా ఉంది” అని తెలిపారు.

ఇక హీరో ఆనంద్ ర‌వి మాట్లాడుతూ “కొరమీను సినిమాలో మీసాల రాజుకి మీసాలు ఎందుకు తీసేశార‌నే క్యాంపెయిన్ స్టార్ట్ చేశారు. ఈ ప్ర‌పంచ‌మంతా సినిమాల్లో మ‌ర్డ‌ర్ మిస్ట‌రీ, కిడ్నాప్ మిస్ట‌రీలుంటాయి. కానీ ఓ మ‌నిషికి మీసాలు ఎవ‌రు తీసేసుంటార‌నే కాన్సెప్ట్ ఎక్క‌డా లేదు. కాబ‌ట్టి ఇదొక జోనర్ మూవీ అనొచ్చు. దీన్నొక మీసాల మిస్ట‌రీ అనుకోవ‌చ్చు. క‌థ పుట్టిందే అక్క‌డ నుంచే. పేద‌వాడికి, గొప్ప వాడికి మ‌ధ్య జరిగే గొడ‌వను క‌థ‌లో తీసుకున్నాం. సినిమాలో చివ‌రి ముప్పై నిమిషాలు ఎంతో కీల‌కం. మీరు సినిమా చూస్తే స‌ర్ ప్రైజ్ అవుతారు. మా టీమ్‌కు చ‌క్క‌గా చూసుకున్న నిర్మాత‌గారికి థాంక్స్‌. థ్రిల్ల‌ర్ మూవీయే కాదు.. మంచి మ్యూజిక్ కంటెంట్ కూడా ఉంది. మ్యూజిక‌ల్ ఫిల్మ్‌గా సినిమాను ఎంజాయ్ చేస్తారు. డిసెంబ‌ర్ 31న సినిమాను చూసి న్యూ ఇయ‌ర్‌ను హ్యాపీగా సెల‌బ్రేట్ చేసుకోవాల‌ని కోరుకుంటున్నాను. మేం కూడా అంతే హ్యాపీగా న్యూ ఇయ‌ర్‌ను సెల‌బ్రేట్ చేసుకునేలా చేస్తార‌ని భావిస్తున్నాం” అన్నారు.