Simbhu: తెలుగు ‘స్టార్’ కూతురితో శింబు పెళ్లి?

Simbhu to Marry Telugu Star Actor’s Daughter: తెలుగు చిత్ర పరిశ్రమలోని ఒక స్టార్ యాక్టర్ కూతురిని శింబు త్వరలో పెళ్లాడనున్నాడని, త్వరలోనే అధికారిక ప్రకటన రానుందని నటుడి సన్నిహిత వర్గాలు చెబుతున్నాయి. బాలనటుడిగా సినీ పరిశ్రమలోకి అడుగుపెట్టిన శిలంబరసన్ అలియాస్ శింబు 2002లో కాదల్ విష్ణుతిల్లై చిత్రంతో హీరోగా మారాడు. అప్పటి నుండి శింబు ఎన్నో విజయవంతమైన సినిమాలలో నటించాడు. కెరీర్ మొదటి నుంచి అనేక వివాదాలు ఎదుర్కొన్న శింబు మరెన్నో నెగటివ్ రివ్యూస్ కూడా అందుకున్నాడు. అయితే ఏదేమైనా తమిళ సినిమా అగ్ర కథానాయకులలో ఒకడుగా చక్రం తిప్పుతూనే ఉన్నాడు. శింబు ఇటీవల చేసిన కొన్ని సినిమాలకి మంచి స్పందన లభించింది. కాగా, శింబు దేశింగు పెరియసామి దర్శకత్వంలో తన తదుపరి చిత్రం చేస్తున్నారు.

Shanthi Williams: ముందే చెప్పి చనిపోయాడు.. శవానికి బాయ్ చెప్పి షూట్ కి వెళ్ళా!

ఈ చిత్రాన్ని కమల్‌హాసన్‌కు చెందిన రాజ్‌కమల్‌ ఫిలింస్‌ నిర్మిస్తోంది. ఒక పక్క ఈ సినిమా పనులు శరవేగంగా జరుగుతున్నాయి. సినీరంగంలో తనకంటూ ఓ స్థానాన్ని రిజర్వ్ చేసుకున్నా శింబు 40 ఏళ్లు దాటినా పెళ్లి చేసుకోకుండానే ఉన్నాడు. అలా అని మనోడు సైలెంట్ అనుకుంటే పొరపాటే. ఎందుకంటే గతంలో శింబు కూడా నయనతారతో ప్రేమలో ఉన్నాడు. అయితే ఆ తర్వాత ఇద్దరూ విడిపోయారు. ఆ తర్వాత నటి హన్సిక, శింబు ప్రేమలో ఉన్నారని కూడా వార్తలు వచ్చాయి. ఆ ప్రేమ కూడా పెళ్లి వరకు నిలవలేదు. ఇటీవల తెలుగు నటి నిధి అగర్వాల్, శింబు డేటింగ్‌లో ఉన్నట్లు కూడా ప్రచారం జరిగినా అది కూడా కేవలం రూమర్‌గా ముగిసింది. నటుడు శరత్‌కుమార్ కుమార్తె, నటి వరలక్ష్మి కూడా పెళ్లి చేసుకోబోతున్నట్లు ప్రచారం జరిగింది.

కానీ ఆమె పెళ్లి ప్రకటనతో అది కూడా అబద్ధమని తేలింది. దీంతో ఆయన పెళ్లికి సంబంధించిన సమాచారం ఎప్పటికప్పుడు సోషల్ మీడియాలో హల్ చల్ చేస్తూ వస్తోంది. అంతెందుకు కొన్ని నెలల క్రితం కూడా శింబు శ్రీలంకకు చెందిన అమ్మాయిని పెళ్లి చేసుకోబోతున్నట్లు వార్తలు వచ్చాయి. ఇక ఇన్నేసి వార్తలతో శింబు తండ్రి డి.రాజేందర్ విసిగిపోయాడని ఆయన త్వరలో శింబుకి పెళ్లి చేయాలని అనుకుంటున్నాడని అంటున్నారు. అందుకు తగ్గట్టుగానే తెలుగు చిత్రసీమలోని ప్రముఖ నటుడి కూతురిని శింబు పెళ్లి చేసుకోబోతున్నాడని, త్వరలోనే దీనికి సంబంధించిన అధికారిక సమాచారం వెలువడుతుందని అంటున్నారు. ఈ మేరకు తమిళ మీడియాలో వ్యాపించి అక్కడి సినీ అభిమానుల్లో చర్చనీయాంశంగా మారింది.