Siddharth- aditi: బొమ్మరిల్లు హీరో సిద్దార్థ్ గురించి ఎవరికి ప్రత్యేకంగా పరిచయం చేయాల్సిన అవసరం లేదు. వివాదాలు కొనితెచ్చుకోవడంలో ఈ హీరో తరువాతే ఎవరైనా.. ఎఫైర్ల విషయంలోనైనా, రాజకీయాల విషయంలోనైనా సిద్దు చేసే పనులు ఎప్పటికి అప్పుడు హాట్ టాపిక్ గా మారుతూనే ఉంటాయి. తనకు నచ్చనిది ఏదైనా మొహమాటం లేకుండా ట్వీట్ చేసి దుమ్ము లేపేస్తాడు. ఇంకోపక్క తనకు నచ్చిన అమ్మాయితో మంచి రిలేషన్ షిప్ మెయింటైన్ చేస్తాడు.. అది ఎలాగూ ఏదోఒకరోజు బ్రేకప్ అవుతోంది అది వేరే విషయం అనుకోండి. ప్రస్తుతం సిద్దు.. ముద్దుగుమ్మ అదితి రావు హైదరితో రిలేషన్ లో ఉన్నాడు. ఈ విషయం అధికారికమే.. ప్రేమ ఉంది.. రిలేషన్ ఉంది.. అని చెప్పుకొస్తున్నారు కానీ పెళ్లి ఎప్పుడు అనేది మాత్రం ఈ జంట బయట పెట్టింది లేదు. కానీ, భార్యాభర్తలుగానే ఫంక్షన్స్ కు, ఈవెంట్స్ కు తిరుగుతున్నారు. ఈ మధ్యనే ఈ జంట.. శర్వానంద్ ఎంగేజ్ మెంట్ లో మెరిసి ఔరా అనిపించారు.
Comedian Sunil: సునీల్ బెస్ట్ కామెడీ పాత్రలు.. గుర్తున్నాయా..?
ఇక తాజగా ఈ ప్రేమ జంట.. మంచి ట్రెండ్ ను ఫాలో అవుతున్నారు అనిపిస్తోంది. ప్రస్తుతం సోషల్ మీడియా కానీ, ఇన్స్టాగ్రామ్ కానీ ఓపెన్ చేయడం ఆలస్యం ఎనిమీ చిత్రంలోని మాల టంటం… మంతరం టంటం సాంగే కనిపిస్తుంటుంది. గత కొన్ని రోజుల నుంచి ఈ సాంగ్ ట్రెండింగ్ నెంబర్ 1 లో ఉంది. అభిమానులతో పాటు హీరోలు, హీరోయిన్లు, క్రికెటర్లు సైతం ఈ సాంగ్ కు రీల్స్ చేస్తున్నారు. ఇక ఇదే ట్రెండ్ ను ఫాలో అయిపోయారు సిద్దు- అదితి. ఇద్దరు కలిసి టంటం సాంగ్ కు స్టెప్స్ వేశారు. ప్రస్తుతం ఈ వీడియో నెట్టింట వైరల్ గా మారింది. ముఖ్యంగా సిద్దు లుక్స్ గురించే చర్చ నడుస్తోంది. ఇప్పటికీ ఈ హీరో బొమ్మరిల్లు లో ఉన్నట్లే ఉన్నాడంటూ నెటిజన్లు కామెంట్స్ పెడుతున్నారు. మరి ఈ జంట ఇలా స్టెప్పులు వేయడమేనా.. పెళ్లి చేసుకొనేది ఏమైనా ఉందా..? అనేది తెలియాల్సి ఉంది.