Shobha Shetty: ఎట్టకేలకు ఎంగేజ్మెంట్ చేసుకున్న.. కాబోయే భర్తతో శోభ వీడియో వైరల్

Shobha Shetty Engagement Video Goes Viral: తెలుగు టెలివిజన్ చరిత్రలోనే అత్యంత బ్లాక్ బస్టర్ సీరియల్ గా నిలిచిన సీరియల్ ఏదైనా ఉందా అంటే అది కార్తీకదీపం అని చెప్పాలి. ఈ సీరియల్లో డాక్టర్ బాబు వంటలు అక్క అనే పాత్రలతో నిరుపమ్, ప్రేమీ విశ్వనాథ్ ఎంత ఫేమస్ అయ్యారో మౌనిత అనే పాత్రలో శోభాశెట్టి కూడా అంతే ఫేమస్ అయింది. నిజానికి ఆమె ఆ తర్వాత బిగ్ బాస్ లోకి కూడా వెళ్లి తెలుగు వారికి మరింత దగ్గర అయింది. నాగార్జున హోస్ట్ గా వ్యవహరించిన తెలుగు బిగ్ బాస్ సీజన్ సెవెన్ లో కంటెస్టెంట్ గా అడుగుపెట్టిన ఆమె టాప్ సిక్స్ వరకు వెళ్లి ఒక్కసారిగా అందరికీ షాక్ ఇచ్చింది.

Getup Srinu: ఆ విషయంలో యాంకర్ శ్యామల సమాధానమే నా సమాధానం

అంతేకాదు ఆమె గట్టిదే అనే ప్రేక్షకులలో అభిప్రాయం కూడా ఏర్పడేలా చేసుకుంది. అయితే ఆసక్తికరమైన విషయం ఏమిటంటే కార్తీకదీపం సీరియల్ లో డాక్టర్ బాబు తమ్ముడి పాత్రలో నటించిన యశ్వంత్ రెడ్డి అనే అబ్బాయితో ఈ భామ ప్రేమలో పడింది. ఈ విషయాన్ని బిగ్ బాస్ సమయంలోనే అధికారికంగా ప్రకటించింది. ఇక గత కొన్నాళ్లుగా ప్రేమలో ఉన్న ఈ జంట జనవరి నెలలో నిశ్చితార్థం చేసుకున్నారు. తాజాగా దానికి సంబంధించిన వీడియోలను ఆమె తన సోషల్ మీడియా వేదిక షేర్ చేయగా అవి వైరల్ అవుతున్నాయి. ఈ వీడియోలలో వారిద్దరు ఎంగేజ్మెంట్ డ్రెస్ లో కనిపిస్తూనే సినిమాటిక్ ఎక్స్ప్రెషన్స్ ఇస్తున్నట్టు కనిపిస్తోంది ఇంకెందుకు ఆలస్యం మీరు కూడా చూసేయండి మరి.