Sarkaru Vaari Paata: ఓటీటీలో రిలీజైన సినిమా.. కానీ ఓ ట్విస్ట్!

అవును.. మీరు చదువుతోంది అక్షరాల నిజం. మే 12వ తేదీన ప్రేక్షకుల ముందుకొచ్చిన ‘సర్కారు వారి పాట’.. రిలీజైన మూడు వారాలకే ఓటీటీలో అందుబాటులోకి వచ్చేసింది. అమెజాన్ ప్రైమ్ వీడియోలో ఈ సినిమా స్ట్రీమ్ అవుతోంది. కానీ, ఇక్కడో చిన్న మెలిక ఉంది. ఈ సినిమాని ఓటీటీలో చూడాలంటే.. రూ. 199 చెల్లించాలి. అంటే.. పే-పర్-వ్యూ విధానంలో ఈ సినిమాని ఇప్పుడే ఓటీటీలో వీక్షించొచ్చు. తొలుత ‘కేజీఎఫ్: చాప్టర్2’ ఇదే విధానంలో అందుబాటులోకి తెచ్చింది ప్రైమ్ వీడియో. ఇప్పుడు ‘సర్కారు వారి పాట’ విషయంలోనూ అదే స్ట్రాటజీని అమలు చేసింది. ఇప్పుడున్న క్రేజ్ దృష్ట్యా ఈ విధానంలో సినిమాని రిలీజ్ చేస్తే.. బాగా క్యాష్ చేసుకోవచ్చన్నదే ప్రైమ్ ఉద్దేశం.

కాగా.. పరశురామ్ దర్శకత్వంలో రూపొందిన ఈ సినిమాలో మహేశ్ బాబు సరసన కీర్తి సురేశ్ కథానాయికగా నటించింది. తమన్ సంగీతం సమకూర్చిన ఈ సినిమాను మైత్రీ మూవీ మేకర్స్, జీఎంబీ ఎంటర్టైన్మెంట్స్, 14 రీల్స్ ప్లస్ బ్యానర్లు సంయుక్తంగా నిర్మించాయి. రిలీజ్ రోజు మంచి టాక్ మూటగట్టుకున్న ఈ చిత్రం.. బాక్సాఫీస్ వద్ద భారీగా కాసుల వర్షం కురిపించింది. ఇప్పటికే బ్రేకీవన్ టార్గెట్‌ని అందుకోవడంతో పాటు రూ. 200 గ్రాస్ క్లబ్‌లోనూ ఈ సినిమా చేరిపోయింది. రీజనల్ సినిమాగా ఎన్నో ఘనతలు సాధించిన ఈ సినిమా.. పలు నాన్-రాజమౌళి రికార్డుల్ని కూడా నమోదు చేసింది. ప్రస్తుతం పే-పర్-వ్యూ విధానంలో స్ట్రీమ్ అవుతోన్న ఈ సినిమా.. కొన్ని రోజుల తర్వాత ప్రైమ్ సబ్‌స్క్రైబర్లకి అందుబాటులోకి రానుంది.