సూపర్ స్టార్ మహేష్ బాబు, కీర్తి సురేష్ జంటగా పరుశురామ్ పెట్ల దర్శకత్వంలో తెరకెక్కుతున్న చిత్రం సర్కారు వారి పాట. మైత్రీ మూవీ మేకర్స్ – GMB ఎంటర్టైన్మెంట్ మరియు 14 రీల్స్ ప్లస్ బ్యానర్స్ పై నవీన్ యెర్నేని – వై. రవిశంకర్ – రామ్ ఆచంట మరియు గోపీచంద్ ఆచంట సంయుక్తంగా నిర్మిస్తున్న ఈ సినిమా వేసవి కానుకగా మే లో రిలీజ్ కానుంది. ఇక ఇప్పటికే ఈ సినిమా నుంచి రిలీజైన మొదటి పాట కళావతి సాంగ్ ఎంతటి సంచలనం సృష్టించిందో ప్రత్యేకంగా చెప్పాల్సినవసరం లేదు. దీంతో ఈ సినిమా నుంచి వచ్చే రెండో పాటపై కూడా ప్రేక్షకులు భారీ అంచనాలు పెట్టుకున్నారు.
ఇక తాజాగా ఈ రెండో పాట రిలీజ్ కి ముహూర్తం ఖరారు చేశారు మేకర్స్. పెన్నీ అంటూ సాగే ఈ సాంగ్ ని మార్చి 20 న రిలీజ్ చేయనున్నట్లు మేకర్స్ ప్రకటించారు. అంతేకాకుండా మహేష్ న్యూ పోస్టర్ ని కూడా రిలీజ్ చేశారు. నల్ల కళ్ళద్దాలు పెట్టుకొని లెదర్ జాకెట్ – బ్లాక్ ప్యాంట్ లో ఉబర్ కూల్ అండ్ సూపర్ స్టైలిష్ గా ఉన్నాడు. ఇక పెన్నీ అంటే డబ్బులు అని అర్ధం వస్తుంది.. మరి ఈసారి టైటిల్ కి తగ్గట్టు ఈ సాంగ్ ఉండబోతుందని అభిమానులు అంటున్నారు. థమన్ సంగీతం అందిస్తున్న ఈ సాంగ్ ఎప్పుడెప్పుడు రిలీజ్ అవుతుందా అని అభిమానులు ఎదురుచూస్తున్నారు. మరి ఈ సాంగ్ కూడా కళావతి లా రికార్డ్స్ బ్రేక్ చేస్తుందేమో చూడాలి.