Prabhas: సప్తగిరి పై ప్రభాస్ ఫ్యాన్స్‌ ఫైర్.. నెట్టింట రచ్చ అవుతున్న కామెంట్స్!

పాన్ ఇండియా స్టార్ ప్రభాస్ – మారుతి కాంబినేషన్‌లో వచ్చిన “ది రాజా సాబ్” సినిమా బాక్సాఫీస్ వద్ద ఆశించిన ఫలితాన్ని అందుకోలేకపోయింది. అయినప్పటికి ప్రభాస్ ఫ్యాన్స్ మాత్రం యూవీ బాగా ఏంజయ్ చేశారు. అయితే, ఈ సినిమా రిజల్ట్ పక్కన పెడితే.. ఇందులో నటించిన కమెడియన్ సప్తగిరి చేసిన కొన్ని వ్యాఖ్యలు ఇప్పుడు ప్రభాస్ అభిమానుల ఆగ్రహానికి కారణమవుతున్నాయి.

తన కెరీర్ గురించి మాట్లాడుతూ.. ఈ మధ్య కాలంలో తన నుంచి పెద్ద సినిమాలు ఏమీ రాలేదని, అన్నీ చిన్న సినిమాల్లోనే నటించాను అందుకే అంత గుర్తింపు రావట్లేదని సప్తగిరి పేర్కొన్నారు. ఈ వ్యాఖ్యలే ఇప్పుడు వివాదానికి దారితీశాయి. ‘రాజా సాబ్’ లాంటి భారీ బడ్జెట్ సినిమా, అది కూడా గ్లోబల్ స్టార్ ప్రభాస్ నటించిన చిత్రాన్ని సప్తగిరి ఎలా మర్చిపోతారని ఫ్యాన్స్ ప్రశ్నిస్తున్నారు. అంతే కాదు ఇదే సినిమా ప్రీ-రిలీజ్ ఈవెంట్‌లో ‘ఈ సినిమా వెయ్యి కోట్లు కాదు.. రెండు వేల కోట్లు వసూలు చేస్తుంది’ అని ఉద్వేగంగా స్పీచ్ ఇచ్చిన సప్తగిరి, ఇప్పుడు తన ఖాతాలో పెద్ద సినిమాలే లేవని అనడం ఏంటని నెటిజన్లు మండిపడుతున్నారు. ఈ విషయంలో సప్తగిరి నోరు జారారా లేక మరేదైనా ఉద్దేశంతో అన్నారా అన్నది క్లారిటీ రావాల్సి ఉంది. ప్రస్తుతం ప్రభాస్ ఫ్యాన్స్ మాత్రం సప్తగిరిపై సోషల్ మీడియాలో ట్రోలింగ్ మొదలుపెట్టారు.