Samyuktha Menon : డెవిల్ సినిమాతో సంయుక్త మరో హిట్ అందుకుంటుందా..?

సంయుక్త మీనన్.. ఈ భామ గురించి ప్రత్యేకంగా చెప్పాల్సిన పని లేదు.తెలుగులో లక్కీ హీరోయిన్ గా పేరు తెచ్చుకుంది సంయుక్త మీనన్. ఆమె నటించిన వరుస సినిమాలు సూపర్ హిట్‌గా నిలిచాయి. బాక్సాఫీసు వద్ద భారీ కలెక్షన్లను కూడా సాధించాయి.దీంతో ఆమె నటిస్తే ఆ సినిమా హిట్ ఖాయమనే కామెంట్లు కూడా వినిపిస్తున్నాయి. ఈ మలయాళ భామ తెలుగులో తొలిసారి భీమ్లానాయక్ సినిమాలో రానా సరసన నటించిన విషయం తెలిసిందే.. ఆ సినిమా తెలుగులో సూపర్ హిట్ గా నిలిచింది. ఆ తర్వాత తెలుగులో వరుస సినిమా అవకాశాలు వచ్చాయి.. వచ్చిన అన్ని సినిమాలను ఒప్పుకోకుండా కథ నచ్చితే వెంటనే ఓకే చెప్పేస్తుంది ఈ భామ.అలా కెరీర్ పరంగా జాగ్రత్తగా ఉండటం తో ఆమె నటించిన సినిమాలు హిట్ అవుతున్నాయి.

భీమ్లా నాయక్ సినిమా తర్వాత ఈ భామ కళ్యాణ్ రామ్ సరసన బింబిసార చిత్రంలో నటించింది. ఆ సినిమా కూడా ఘన విజయం సాధించింది. ఆ తరువాత ఈ భామ తమిళ్ స్టార్ హీరో ధనుష్ సరసన సార్ సినిమాలో నటించింది.ఈ సినిమా తమిళ మరియు తెలుగు ఇండస్ట్రీలలో మంచి హిట్ గా నిలిచింది. ఆ తర్వాత మెగా మేనల్లుడు సాయి ధరమ్ తేజ్ సరసన విరూపాక్ష సినిమాలో కూడా నటించింది. విరూపాక్షా సినిమాలో ఆమె నటనకు అంతా ఫిదా అయ్యారు. ఆ సినిమా భారీ వసూళ్లను సాధించింది.. ప్రస్తుతం ఈ భామ కళ్యాణ్ రామ్‌తో మరో సినిమా లో నటిస్తుంది..ఆ సినిమానే డెవిల్… కళ్యాణ్ రామ్ బర్త్ డే సందర్భంగా బుధవారం ఈ సినిమా టీజర్‌ను విడుదల చేశారు.ఈ టీజర్ చూసిన తర్వాత సంయుక్త ఖాతాలో మరో హిట్ ఖాయమనే వార్తలు వినిపిస్తున్నాయి. అందులో ఆమె లుక్ కూడా అందరినీ బాగా ఆకట్టుకునేలా ఉంది. బింబిసార తర్వాత కళ్యాణ్ రామ్ కూడా ఈ సినిమాతో మరో భారీ హిట్ అందుకుంటాడని ఫ్యాన్స్ భావిస్తున్నారు.