సమంత అక్కినేని గత కొన్ని రోజులుగా డివోర్స్ వార్తలతో సోషల్ మీడియాలో చర్చనీయాంశంగా మారింది. అయితే వాటన్నింటికీ సామ్ ఒకే ఒక్క పోస్ట్ తో ఫుల్ స్టాప్ పెట్టిసింది. ఆ పోస్ట్ లో కుక్కపిల్లలను చూపిస్తూ మీడియా చిన్న విషయాన్ని కూడా పెద్దదిగా చేసి చూపిస్తుందని కామెంట్ చేసింది. ఇదిలా ఉండగా సమంతకు సంబంధించిన ఓ తాజా ఫోటో నెట్టింట్లో వైరల్ అవుతోంది. ఆ పిక్ లో సామ్ సంతోషంగా కన్పిస్తోంది. పైగా ఫ్రెండ్స్ తో కలిసి సైకిల్ పై చక్కర్లు కొడుతూ కన్పించింది. సామ్ తో పాటు ఆమె క్లోజ్ ఫ్రెండ్ శిల్పా రెడ్డి, ఆమె కుటుంబ సభ్యులు కూడా ఉన్నారు. ఈ ఫోటోను సామ్ ఇన్స్టాగ్రామ్ లో షేర్ చేసింది. సామ్ ఎప్పటిలాగే పూల బైకర్ షార్ట్ ధరించి అందంగా, ఫిట్గా కన్పించింది.
Read Also : “రిపబ్లిక్” సెకండ్ సింగిల్ కు టైం ఫిక్స్
సోషల్ మీడియా ద్వారా ఎప్పటికప్పుడు తనకు సంబంధించిన అప్డేట్స్ పంచుకుంటూ అభిమానులకు దగ్గరగా ఉంటుంది సామ్. సమంత అక్కినేని ప్రస్తుతం పౌరాణిక చిత్రం “శాకుంతలం”లో నటిస్తోంది. ఈ సినిమా షూటింగ్ పూర్తయ్యింది. ప్రముఖ డైరెక్టర్ గుణశేఖర్ దర్శకత్వం వహించిన ఈ చిత్రంలో అల్లు అర్జున్ కుమార్తె అర్హ, మోహన్ బాబు కీలక పాత్రల్లో కనిపించనున్నారు. నెక్స్ట్ ఆమె నయనతార, విజయ్ సేతుపతితో పాటు విఘ్నేష్ శివన్ దర్శకత్వం వహిస్తున్న “కాతు వాకుల రెండు కాదల్” సినిమా షూటింగ్ లో బిజీగా ఉంది.
