టాలీవుడ్ స్టార్ హీరోయిన్ సమంత ప్రస్తుతం వరుస సినిమాలతో బిజీగా మారింది. సామ్, భర్త నాగ చైతన్యతో విడిపోయిన తరువాత ఒంటరిగా ఉంటున్న విషయం విదితమే .. నిత్యం సోషల్ మీడియాలో యాక్టివ్ గా ఉండే ఈ ముద్దుగుమ్మకు పెట్స్ అంటే పంచప్రాణాలు. తన దగ్గర ఉన్న కుక్క పిల్లలు హ్యాష్, సాష్ లతో కలిసి ఉన్న ఫోటోలను పంచుకుంటూ ఉంటుంది. వాటికి ఏమైనా అయినా అల్లాడిపోతోంది. వాటిని బిడ్డలు కంటే ఎక్కువగా పెంచుకుంటుంది సామ్.. ఇక తాజాగా సామ్ తన సోషల్ మీడియాలో హ్యాష్, సాష్ లతో కలిసి ఉన్న ఫోటోను షేర్ చేసింది. ఈ ఫోటో చూసిన ప్రతి ఒక్కరు వావ్ సూపర్ అంటూ కామెంట్స్ పెడుతున్నారు.
మరికొంతమంది మనుషులను వదిలేసి కుక్కలతోనే ఉండిపో అంటూ విమర్శిస్తున్నారు. ఇక ఒక నెటిజన్ మాత్రం “నువ్వు పెట్స్ కుక్కలు, పిల్లులతో ఒంటరిగా చచ్చిపోవాలి” అని రాసుకొచ్చాడు. ఇక ఆ వ్యక్తికి సామ్ తనదైన శైలిలో రిప్లై ఇచ్చింది. “అదే జరిగితే నన్ను నేను అదృష్టవంతురాలిగా భావిస్తాను” అంటూ చెప్పుకొచ్చింది. దీంతో సదురు నెటిజన్ వెంటనే ఆ ట్వీట్ ను డిలీట్ చేసి సిగ్గుతో తలదించుకున్నాడు. ప్రేమను పంచేవారు జంతువులు అయితే మాత్రం ఏమైంది.. జంతు ప్రేమికులకు అవి పెట్స్ కాదు బిడ్డలు. ఇంట్లో కుటుంబ సభ్యులు ఎలాగో అవి కూడా అంతే.. ఇలా మాట్లాడడానికి మీకు సిగ్గుగా లేదా..అదే జరిగితే ఆనందంగా చచ్చిపోతా అని సామ్ అనడం ఆమె పెట్స్ పై ఎంత ప్రేమను పెట్టుకుందో అర్ధం అవుతుంది.. అందరు ఒకేలా ఉండరు అని సామ్ అభిమానులు ట్రోలర్స్ పై విరుచుకు పడుతున్నారు.