అక్కినేని నాగార్జున ప్రస్తుతం ఒక పక్క సినిమాలతో మరో పక్క బిగ్ బాస్ షోతో బిజీగా ఉంటున్న విషయం విదితమే.. ఇక ఇటీవలే సీజన్ 5 కూడా విజయవంతంగా పూర్తి చేసిన నాగ్..ప్రస్తుతం ‘ఘోస్ట్’ మూవీ షూటింగ్ లో నిమగ్నమయ్యాడు. ఇక వరుసగా 6 సీజన్ లను విజయవంతంగా కంప్లీట్ చేసుకున్న బిగ్ బాస్ సీజన్ 6 కోసం సిద్దమవుతుంది. ఇప్పటికే నాగ్ సీజన్ 6 కి అర్హులు ఎవరైనది తెలుపుతూ ఒక వీడియోను కూడా రిలీజ్ చేశాడు. ఈసారి బిగ్ బాస్ సీజన్ 6 సామాన్యులకు పట్టం కట్టనుంది. ఈ షో అంటే ఇష్టపడేవాళ్లు తమ కలను సాకారం చేసుకోవడానికి ఒక మంచి అవకాశమని యాజమాన్యం చెప్పుకొచ్చింది. త్వరలోనే ఈ సీజన్ ఆడిషన్స్ జరగనున్నాయి . ఇకపోతే ఈ సీజన్ కు కూడా నాగార్జుననే హోస్ట్ గా వ్యవహరిస్తారు అనేది అందరికి తెలిసిందే. అయితే తాజాగా ఈ సీజన్ హోస్ట్ మారారు అంటూ సోషల్ మీడియాలో వార్తలు గుప్పుమంటున్నాయి.
కొన్నేళ్లుగా నాగార్జునే వ్యాఖ్యాతగా ఉన్నాడని దీంతో ఈసారి కొత్త హోస్ట్ ను తీసుకువస్తున్నారని ప్రచారం జరుగుతోంది. అయితే ఆ హోస్ట్ ఎవరో కాదు నాగ్ మాజీ కోడలు సమంత అంట.. గతంలో కొన్ని రోజులు నాగార్జున లేనప్పుడు సమంత ఈ రియాలిటీ షోను హోస్ట్ చేసిన సంగతి తెల్సిందే.. ఇక దీంతో నాగార్జునను వదిలి యాజమాన్యం సమంతను సంప్రదించారని, అందుకు సామ్ కూడా ఓకే చెప్పిందని వార్తలు వినిపిస్తున్నాయి. అయితే ఇందులో నిజం ఎంత అనేది తెలియదు కానీ.. అక్కినేని ఫ్యామిలీ మీద కోపంతో ఒప్పుకున్నది అని పలువురు నెటిజన్లు వ్యాఖ్యానిస్తున్నారు.. లేకపోతే వరుస పాన్ ఇండియా మూవీస్ ను లైన్లో పెట్టుకొని అన్ని రోజులు ఈ షో కు డేట్స్ ఇవ్వడమంటే మామూలు విషయం కాదు.. అందులోను ఇప్పటివరకు సామ్ హోస్ట్ గా చేసినా షోలు అన్ని ప్లాప్ టాక్ తెచ్చుకున్నవే.. మరి ఈ రియాల్టీ షోను ఆమె ఎలా హ్యాండిల్ చేయగలదు అని ఒప్పుకున్నది అని ప్రశ్నిస్తున్నారు.
