Salaar: రక్తంతో తడిచిన ‘డైనోసర్’ కొత్త డేట్ తో వచ్చేసింది…
పాన్ ఇండియా స్టార్ ప్రభాస్, ప్రశాంత్ నీల్ కలిసి చేస్తున్న సినిమా సలార్… ఇండియాస్ బిగ్గెస్ట్ కమర్షియల్ సినిమాగా షూటింగ్ జరుపుకున్న ఈ మూవీపై భారీ అంచనాలు ఉన్నాయి. ఆ అంచనాలకి తగ్గట్లే సలార్ నుంచి ఏ ప్రమోషనల్ కంటెంట్ వచ్చినా, ఎలాంటి అప్డేట్ బయటకి వచ్చినా అది నేషనల్ వైడ్ సెన్సేషన్ అవుతోంది. ఆకాశాన్ని తాకే అంచనాల మధ్య సెప్టెంబర్ 28న డైనోసర్ వచ్చి బాక్సాఫీస్ ని కబ్జా చేస్తుంది అనుకుంటే ఊహించని విధంగా అందరికీ షాక్ ఇస్తూ సలార్ సినిమా పోస్ట్ పోన్ అయ్యింది. నిన్న మొన్నటి వరకూ సైలెంట్ గా ఉన్న సినిమాలు సలార్ వాయిదా పడుతుంది అనగానే సెప్టెంబర్ 28న రిలీజ్ అయిపోయాయి అంటే ప్రభాస్-ప్రశాంత్ నీల్ క్రియేట్ చేసిన డైనోసర్ ఇంపాక్ట్ ఏ రేంజులో ఉందో ఊహించుకోవచ్చు.
సెప్టెంబర్ 28 నుంచి వాయిదా పడిన సలార్ సినిమా డిసెంబర్ 22న షారుఖ్ డుంకి సినిమాకి పోటీగా రిలీజ్ అవుతుంది అనే మాట గత కొన్ని రోజులుగా వినిపిస్తూనే ఉంది. ఈ మాటని నిజం చేస్తూనే ప్రశాంత్ నీల్ సలార్ రిలీజ్ డేట్ ని అనౌన్స్ చేసాడు. డిసెంబర్ 22న సలార్ సినిమా రిలీజ్ అవుతుంది అంటూ మేకర్స్ కొత్త విడుదల తేదీని ప్రకటించారు. ఈ సందర్భంగా మేకర్స్ వదిలిన కొత్త పోస్టర్ ప్రభాస్ ఫ్యాన్స్ కే కాదు పోటీలో నిలిచే ఏ హీరోకైనా వణుకు పుట్టించేలా ఉంది. కత్తి పట్టుకోని, శత్రువుల రక్తంతో తడిచిన డైనోసర్… బాక్సాఫీస్ పై దాడి చేయడానికి సిద్దమవుతున్నట్లు ఉన్న కొత్త పోస్టర్ సోషల్ మీడియాలో ట్రెండ్ అవుతుంది.
𝐂𝐨𝐦𝐢𝐧𝐠 𝐁𝐥𝐨𝐨𝐝𝐲 𝐒𝐨𝐨𝐧!#SalaarCeaseFire Worldwide Release On Dec 22, 2023.#Salaar #Prabhas #PrashanthNeel @PrithviOfficial @shrutihaasan @hombalefilms #VijayKiragandur @IamJagguBhai @sriyareddy @bhuvangowda84 @RaviBasrur @shivakumarart @vchalapathi_art @anbariv… pic.twitter.com/IU2A7Pvbzw
— Hombale Films (@hombalefilms) September 29, 2023