Sai Dharam Tej: వర్షాలు ఎక్కువగా పడుతున్నాయి జాగ్రత్తగా ఉండండి ‘బ్రో’…

పవర్ స్టార్ పవన్ కళ్యాణ్, సుప్రీమ్ హీరో సాయి ధరమ్ కలిసి నటిస్తున్న ‘బ్రో’ సినిమా మరి కొన్ని గంటల్లో థియేటర్స్ లోకి రానుంది. మెగా ఫాన్స్ అంతా ఈ పవర్ పండగ కోసం ఇన్ని రోజులుగా ఈగర్ గా వెయిట్ చేస్తున్నారు. వర్షాల కారణంగా భారీ సంబరాలు చేసే అవకాశం లేదు కానీ లేదంటే ఈ పాటికి తెలుగు రాష్ట్రాల్లోని అన్ని థియేటర్స్, సింగల్ స్క్రీన్స్ నుంచి మల్టీప్లెక్స్ వరకు అన్ని సెంటర్స్ ని మెగా ఫాన్స్ కబ్జా చేసే వాళ్లు. ట్రైలర్ తో హైప్ పెంచిన మేకర్స్, గ్రాండ్ ప్రీరిలీజ్ ఈవెంట్ తో మరింత సెన్సేషన్ క్రియేట్ చేసారు. ఆ హైప్ తెచ్చే ఓపెనింగ్స్ ఏ రేంజులో ఉంటాయో రేపు థియేటర్స్ లో చూడాలి. ట్రేడ్ వర్గాల ప్రిడిక్షన్ వరకూ అయితే కొన్ని సెంటర్స్ లో సెన్సేషనల్ కలెక్షన్స్ కనిపించే అవకాశం ఉంది.

తెలంగాణ రాష్ట్రంలో ఉన్న వర్షాల కారణంగా బ్రో సినిమాకి నైజాంలో కాస్త కలెక్షన్స్ తగ్గే ఛాన్స్ ఉందనే మాట వినిపిస్తుంది కానీ అక్కడ ఉన్నది పవన్ కళ్యాణ్ ఫాన్స్, వానొచ్చినా వరదొచ్చినా థియేటర్స్ కి వెళ్లిపోయి ‘జై పవర్ స్టార్’ అనేస్తారు బ్రో. అందులో డౌటే లేదు అయితే వారసత్వంలో మామకి తగ్గ అల్లుడిగా పేరు తెచ్చుకున్న సాయి ధరమ్ తేజ్ ఒక లెటర్ ని రిలీజ్ చేసాడు. వర్షాలు పడుతున్నాయి, జాగ్రత్తగా ఉండండి అంటూ ఎంతో బాధ్యాతాయుతంగా అభిమానులని కోరాడు. మా సినిమాకి మీ సపోర్ట్ కావాలి కానీ అంతకన్నా ముందు మీ సేఫ్టీ కూడా నాకు ముఖ్యమే అంటూ సాయి ధరమ్ తేజ్ లెటర్ రిలీజ్ చేయడంతో ఫాన్స్ అంతా చాలా వార్మ్ గా ఫీల్ అవుతున్నారు. తేజ్ రిలీజ్ చేసిన లెటర్ ప్రస్తుతం సోషల్ మీడియాలో వైరల్ అవుతోంది. మరి వానని కూడా లెక్క చేయకుండా మెగా ఫాన్స్ ‘బ్రో’ సినిమాకి ఎలాంటి కలెక్షన్స్ ని ఇస్తారో చూడాలి.

Your safety is above any celebration.
Please consider my humble request above your excitement and love.

Forever Grateful 🙏#BroTheAvatar pic.twitter.com/Mx3BdKGCGX

— Sai Dharam Tej (@IamSaiDharamTej) July 27, 2023