Retro : సూర్య ‘రెట్రో’ ట్రైలర్ రిలీజ్..

Retro : సౌత్ లో మంచి ఫ్యాన్ బేస్ ఉన్న హీరో సూర్య. ఆయన తాజాగా నటిస్తున్న మూవీ రెట్రో. కార్తీక్ సుబ్బరాజు డైరెక్షన్ లో వస్తున్న ఈ సినిమాలో పూజాహెగ్డే హీరోయిన్ గా చేస్తోంది. మే 1న సినిమాను రిలీజ్ చేస్తున్నారు. సూర్యకు హిట్ పడి చాలా రోజులు అవుతోంది. దీంతో తనకు కలిసి వచ్చిన యాక్షన్ థ్రిల్లర్ సినిమాతో మళ్లీ వస్తున్నాడు. ఇప్పటికే విడుదలైన కనిమ సాంగ్ మంచి క్రేజ్ సంపాదించుకుంది. తాజాగా ట్రైలర్ ను రిలీజ్ చేశారు. ఇందులో హీరో లుక్ పూర్తిగా డిఫరెంట్ గా ఉంది. గొడవల్లో పుట్టి పెరిగిన గ్యాంగ్ స్టర్ గా ఇందులో సూర్య కనిపిస్తున్నాడు. అత్యంత సీరియస్ గా ఉండే సూర్యకు పూజాహెగ్డేతో బంధం నడుమ సినిమాను చూపించబోతున్నారు.

Read Also : Social Media: నడమంత్రపు ‘సోషల్ మీడియా క్రేజ్’.. లేపినంత సేపు పట్టదు తొక్కడం!

‘ఇన్నేళ్ల మా బంధం నన్ను బుద్ధుడిగా చేసింది.. రాక్షసుడిగా మార్చింది’ అనే సూర్య డైలాగ్ అదిరింది. ఇందులో ప్రకాశ్ రాజ్ కీలక పాత్ర చేస్తున్నారు. నాజర్ కూడా నటిస్తున్నారు. సంతోష్ నారాయణన్ సంగీతమందించాడు. బీజీఎం కూడా బాగానే ఉంది. కంగువ లాంటి భారీ సినిమాతో హిట్ అందుకోలేకపోయాడు సూర్య. దాంతో రెట్రో మీద భారీ ఆశలు పెట్టుకున్నాడు. ఈ సినిమాతో ఎలాగైనా హిట్ కొట్టాలనే లక్ష్యం పెట్టుకున్నాడు. మరి దీంతో హిట్ కొడుతాడా లేదా అన్నది చూడాలి.