Raviteja: ఈగల్ అదిరిపోతుంది.. అతని డైలాగ్స్ అయితే నెక్స్ట్ లెవెల్

Raviteja: మాస్ మహారాజా రవితేజ, అనుపమ పరమేశ్వరన్ జంటగా కార్తీక్ ఘట్టమనేని దర్శకత్వంలో తెరకెక్కిన చిత్రం ఈగల్. పీపుల్ మీడియా ఫ్యాక్టరీ బ్యానర్‌పై టీజీ విశ్వప్రసాద్‌ నిర్మిస్తున్న ఈ చిత్రం ఫిబ్రవరి 9 న రిలీజ్ అవుతుంది. ఇప్పటికే ఈ చిత్రం నుంచి రిలీజైన పోస్టర్స్, సాంగ్స్ ప్రేక్షకులను విశేషంగా ఆకట్టుకున్నాయి. ముఖ్యంగా రవితేజ లుక్ అయితే నెక్స్ట్ లెవెల్ అని చెప్పాలి. అసలైతే సంక్రాంతికే ఈ సినిమా ప్రేక్షకుల ముందుకు రావాలి. కానీ, ఐదు సినిమాలు అవ్వడంతో ఫిల్మ్ ఛాంబర్ సోలో రిలీజ్ ఇస్తానని చెప్పడంతో ఈగల్ వెనక్కి తగ్గింది. ఇక ఇప్పుడు అనుకున్న ప్రకారమే సోలోగా వస్తుంది. ఇక తాజాగా ఈ సినిమా ప్రీ రిలీజ్ ఈవెంట్ హైదరాబాద్ లో ఘనంగా నిర్వహించారు.

ఇక ఈ ఈవెంట్ లో రవితేజ మాట్లాడుతూ.. ఈగల్ మంచి సినిమా అని, అందరికి నచ్చుతుందని తెలిపాడు. ఇక ఈ సినిమాలో నవదీప్ డైలాగ్స్ చాలా బావుంటాయి. అసలు అతనీలో ఉండే సెన్సాఫ్ హ్యూమర్ నచ్చింది. మేమిద్దరం కలిసి ఒక కామెడీ సినిమా తీయాలనుకుంటున్నాం. ఇక ఈ ఈవెంట్ కు వచ్చినవారందరికి థాంక్స్. సినిమాలో నటించినవారందరికీ థాంక్స్.. అందరూ బాగా చేశారు. కార్తీక్ మొదటి సినిమా అయినా కూడా చాలా బాగా చేశాడు అనిక్ చెప్పుకొచ్చాడు.