టాలీవుడ్ లో హిట్ కాంబినేషన్ గా పేరు తెచ్చుకున్న హీరో-డైరెక్టర్ కలిసి రెండో సినిమా చేస్తున్నారు అంటేనే అంచనాలు పీక్ స్టేజ్ లో ఉంటాయి. అలాంటిది ఇప్పటికే హ్యాట్రిక్ హిట్స్ ఇచ్చిన క్రాకింగ్ కాంబినేషన్ నాలుగో సినిమా చేస్తుంది అంటే ఆ హీరో-డైరెక్టర్ పైన ఎన్ని అంచనాలు ఉంటాయో ప్రత్యేకించి చెప్పాల్సిన అవసరం లేదు. డాన్ శ్రీను, బలుపు, క్రాక్… చేసిన మూడు సినిమాలతో ఒకదాన్ని మించి ఇంకో హిట్ ఇచ్చారు మాస్ మహారాజ రవితేజ, మాస్ డైరెక్టర్ గోపీచంద్ మలినేని. మాస్ హిస్టీరియాని మరోసారి క్రియేట్ చేయడానికి రవితేజ-గోపీచంద్ మలినేని రెడీ అయ్యారు. మైత్రీ మూవీ మేకర్స్ ప్రొడ్యూస్ చేస్తున్నారు. #RT4GM అనే వర్కింగ్ టైటిల్ తో త్వరలో సెట్స్ పైకి వెళ్లనున్న ఈ సినిమా ఇటీవలే అఫీషియల్ గా అనౌన్స్ అయ్యింది. మైత్రీ మూవీ మేకర్స్ ప్రొడ్యూస్ చేస్తున్న ఈ సినిమా ఒక్క రోజు జరిగే కథతో తెరకెక్కుతున్నట్లు సమాచారం.
చుండూరు నేపథ్యంలో #RT4GM సినిమా కథ తిరుగుతుందని ఇండస్ట్రీ వర్గాలు మాట్లాడుకుంటున్నాయి. ఇందులో ఎంతవరకు నిజముంది అనే విషయం తెలియదు కానీ ఈ ప్రాజెక్ట్ గురించి లేటెస్ట్ అప్డేట్ బయటకి వచ్చి సోషల్ మీడియాలో వైరల్ అవుతోంది. ఈ మూవీ బడ్జట్ విషయంలో లెక్కలు కుదరట్లేదని ఇండస్ట్రీ వర్గాల సమాచారం. మార్కెట్ లెక్కలకి, సినిమాకి అనుకున్న బడ్జట్ కి మధ్య చాలా డిఫరెన్స్ ఉండడంతో ఈ ప్రాజెక్ట్ ని ప్రస్తుతానికి పాజ్ చేసి, రీవర్క్ చేస్తున్నారని టాక్. బ్యాక్ టు బ్యాక్ రెండు వంద కోట్లు రాబట్టిన రవితేజకి, బాలయ్య బాబుతో వంద కోట్లు కొట్టిన గోపీచంద్ మలినేనికి ఇలాంటి ఊహించని పరిణామం ఎదురుకావడం ఏంటి? అసలు సోషల్ మీడియాలో వినిపిస్తున్న ఈ రూమర్ వెనక నిజమెంత అనేది తెలియాల్సి ఉంది.