‘ఉప్పెన’ సినిమాతో ఘనవిజయం అందుకున్న యువ క‌థానాయ‌కుడు వైష్ణ‌వ్ తేజ్ హీరోగా బాపినీడు బి స‌మ‌ర్ప‌ణ‌లో బి.వి.ఎస్‌.ఎన్‌. ప్ర‌సాద్ నిర్మిస్తున్న చిత్రానికి ‘రంగ రంగ వైభవంగా’ అనే టైటిల్‌ను ఖ‌రారు చేశారు. ఈ చిత్రంలో ‘రొమాంటిక్‌’ ఫేమ్‌ కేతికా శర్మ హీరోయిన్‌గా నటిస్తోంది. సోమ‌వారం ఈ సినిమా టైటిల్ టీజర్, ఫ‌స్ట్ లుక్‌ను చిత్ర‌యూనిట్ రిలీజ్ చేసింది.
టీజర్ యూత్‌ని మెప్పించేలా ఉంది. ఇందులో హీరో, హీరోయిన్ మ‌ధ్య న‌డిచే బ‌ట‌ర్ ఫ్లై కిస్ థియ‌రీ కొత్త‌గా అనిపిస్తుంది. రాక్ స్టార్ దేవిశ్రీ ప్ర‌సాద్ సంగీతం టీజ‌ర్‌ను నెక్ట్స్ లెవ‌ల్‌కి తీసుకెళ్లింది. ‘అర్జున్ రెడ్డి’ త‌మిళ వెర్ష‌న్ డైరెక్ట్ చేసిన గిరీశాయ ‘రంగరంగ వైభవంగా’ మూవీని తెర‌కెక్కిస్తున్నారు. యూత్‌, ఫ్యామిలీ ఆడియెన్స్‌ను మెప్పించేలా రూపొందుతోన్న ఈ చిత్రానికి శామ్ ద‌త్ సినిమాటోగ్ర‌ఫీని అందిస్తున్నారు.
