దగ్గుబాటి హీరోలు వెంకటేష్, రానా కలిసి నటించిన ఫస్ట్ వెబ్ సీరీస్ ‘రానా నాయుడు’ నెట్ఫ్లిక్స్ ఇప్పుడు టాక్ ఆఫ్ ది ఇండస్ట్రీగా మారింది. ఈ వెబ్ సీరీస్ కంటెంట్ ఏంటి? ఎవరు ఎలా నటించారు అనే విషయాలని కాసేపు పక్కన పెడితే అసలు రానా నాయుడు ట్రెండ్ అవ్వడానికి ఏకైక కారణం ఈ సీరీస్ లోని బూతులు. మొదటి ఎపిసోడ్ నుంచి మొదలైన బూతుల పరంపర, అడల్ట్ కంటెంట్ ఇది నిజంగానే ‘అడల్ట్ సీరీస్’ ఏమో అనిపించే రేంజులో సాగిందని సోషల్ మీడియాలో కామెంట్స్ వినిపిస్తున్నాయి. ప్రముఖ క్రిటిక్స్ సైతం ‘రానా నాయుడు వెబ్ సీరీస్’ చూసి ఇంత బూతు ఉంది ఏంటి అని ఆశ్చర్య పోతున్నారు. డిజిటల్ కంటెంట్ కి కూడా సెన్సార్షిప్ ఉండాల్సిందే అని ఎప్పటి నుంచో వినిపిస్తున్న కామెంట్స్ ఇప్పుడు రానా నాయుడు పుణ్యమని మరింత ఎక్కువ అయ్యాయి. అయితే కొంతమంది మాత్రం ఇది ‘వెబ్ సీరీస్’ డిజిటల్ స్పేస్ లో రిలీజ్ అయ్యింది, దీన్ని ఇలానే చూడండి. మిర్జాపూర్ లాంటి సీరీస్ ని చూసి అందరూ ఎంజాయ్ చేశారు, ఇప్పుడు ఫ్యామిలీ ఇమేజ్ ఉన్న వెంకటేష్ లాంటి హీరో ఆ బూతులని మాట్లాడడమే తెలుగు ఆడియన్స్ తీసుకోలేక పోతున్నారు.
వెంకటేష్ తన ఇమేజ్ ని దాటొచ్చి రానా నాయుడు వెబ్ సీరీస్ చేశాడు కానీ ఆడియన్స్ దాన్ని రిసీవ్ చేసుకోలేక పోతున్నారు. అందుకే సోషల్ మీడియాలో రానా నాయుడు పై విమర్శలు వస్తున్నాయి. రిలీజ్ కన్నా ముందు నుంచే రానా నాయుడు వెబ్ సీరీస్ ని వెంకటేష్ ఉన్నాడు కదా అని ఫ్యామిలీతో కలిసి చూడకండి, ఇది సోలోగా చూసే సీరీస్ అని మేకర్స్ చెప్తూనే ఉన్నారు. ఇప్పుడు ఇదే మాట ట్విట్టర్ లో కూడా వినిపిస్తోంది. ఇకపై రానా నాయుడు వెబ్ సీరీస్ చూసే వాళ్లు సోలోగానే చూడండి, ఫ్యామిలీతో కలిసి మాత్రం చూడండి అంటూ ప్రతి ఒక్కరూ ట్వీట్స్ చేస్తున్నారు. మరి ఈ విమర్శలపై రానా, వెంకటేష్ లు స్పందిస్తారో లేదో చూడాలి. అయితే మంచో చెడో ఒక సాలిడ్ బజ్ జనరేట్ చెయ్యడంలో మాత్రం రానా, వెంకటేష్ లు కంప్లీట్ గా సక్సస్ అయ్యారు.
