Ramajogaiah Sastry: జూనియర్ ఎన్టీఆర్ అభిమానికి దండం పెట్టిన రామజోగయ్య శాస్త్రి

Ramajogaiah Sastry Clarity on His Comments at Devara Sucess Meet: జూనియర్ ఎన్టీఆర్ హీరోగా కొరటాల శివ దర్శకత్వంలో తెరకెక్కిన దేవర చిత్రం మొదటి భాగం నిన్న ప్రేక్షకుల ముందుకు వచ్చింది. ఈ సినిమాకి మొదటి ఆట నుంచే పాజిటివ్ టాక్ వచ్చింది, తర్వాత కొంత టాక్ డివైడ్ అయింది. అయితే నిన్న మధ్యాహ్నం సినిమా యూనిట్ ఒక సక్సెస్ మీట్ నిర్వహించింది. ఈ సక్సెస్ మీట్ లో దర్శకుడు కొరటాల శివ, డిస్ట్రిబ్యూటర్ దిల్ రాజు, నిర్మాత కళ్యాణ్ రామ్ తో పాటు ఈ సినిమాకి లిరిక్స్ రాసిన రామ జోగయ్య శాస్త్రి కూడా పాల్గొన్నారు. ఈ సందర్భంగా రామ జోగయ్య శాస్త్రి మాట్లాడుతూ ఉన్న ఒక ఇంటర్వ్యూలో కొరటాల శివ గారు అన్నట్టు ఎవరి పని వాళ్ళని చేసుకొనిస్తే విజయం ఇలా ఉంటుంది.

Jani Master: జానీ మాస్టర్ వ్యవహారం వెనుక బడా హీరో.. భార్య కీలక వ్యాఖ్యలు

దర్శకుడిని నమ్మినటువంటి హీరో ఉంటే మరింత బలంగా ఉంటుంది విజయం అని ఈ దేవర సినిమా ద్వారా మరొకసారి నిరూపితమైంది. ఇలాంటి సినిమాలో నా భాగస్వామ్యం ఉన్నందుకు మరొకసారి కృతజ్ఞతలు తెలుపుకుంటూ ఇది కేవలం ఆరంభం మాత్రమే అనిపిస్తుంది. ఈ సినిమా ఎక్కడెక్కడికి వెళ్లి పోతుందో చెప్పలేమనిపిస్తోంది అంటూ ఆయన చెప్పుకొచ్చారు. అయితే ఈ విషయం గురించి సోషల్ మీడియాలో రకరకాల చర్చలు జరుగుతున్న నేపథ్యంలో ఓరి నాయనో ఇది ఎటో దారితీస్తోన్నట్టుంది నా ఉద్దేశ్యం శివగారు తన టెక్నీషియన్స్ కి స్వేచ్ఛనిస్తారని..అంతే తప్ప మరొకటి కాదు విపరీతార్ధాలు తీయవద్దని మనవి 🙏అంటూ రామజోగయ్య శాస్త్రి ట్వీట్ చేశారు. ఇక కొరటాల శివ చేసిన ఎవరి పని వాళ్ళని చేసుకొనిస్తే కామెంట్స్ లో ద్వంద్వార్థాలు తీస్తూ రకరకాల కామెంట్లు చేస్తున్నారు నెటిజన్లు.