Ram Pothineni: రామ్ రాసుకున్న కధకి అలాంటి డైరెక్టర్ కావలెను

టాలీవుడ్ ‘ఎనర్జిటిక్ స్టార్’ రామ్ పోతినేని కేవలం నటనకే పరిమితం కాకుండా, తనలోని మరో కొత్త కోణాన్ని ఆవిష్కరించబోతున్నారు. గత కొంతకాలంగా వైవిధ్యమైన సినిమాలతో ప్రేక్షకులను అలరిస్తున్న రామ్, ఇప్పుడు ఏకంగాఒక అద్భుతమైన కథను వెండితెరపైకి తీసుకువచ్చేందుకు సిద్ధమయ్యారు. తాజా సమాచారం ప్రకారం, రామ్ పోతినేని స్వయంగా ఒక పవర్‌ఫుల్ కథను సిద్ధం చేసుకున్నట్లు తెలుస్తోంది. నటుడిగా ఎన్నో పాత్రలు పోషించిన ఆయన, తన మనసుకు నచ్చిన ఒక పాయింట్‌ను పూర్తిస్థాయి కథగా మలిచారు. అయితే, ఇప్పుడు ఆ కథను వెండితెరపై అద్భుతంగా ఆవిష్కరించే దర్శకుడి కోసం ఆయన అన్వేషణ మొదలైంది.

Also Read:Kerala Story 2: కేరళ స్టోరీ 2 ‘బీఫ్’ వివాదం.. ప్రకాష్ రాజ్ సెటైరికల్ కౌంటర్..

తాను అనుకున్న భావోద్వేగాలను, సన్నివేశాలను ఏమాత్రం తగ్గకుండా, ఉన్నది ఉన్నట్లుగా తెరకెక్కించగల సత్తా ఉన్న డైరెక్టర్ కోసం రామ్ వెతుకుతున్నారు. సరైన దర్శకుడు దొరికిన వెంటనే ఈ ప్రాజెక్టుకు సంబంధించిన అధికారిక ప్రకటన వచ్చే అవకాశం ఉంది. రామ్ లోని క్రియేటివిటీ కేవలం కథ రాయడానికే పరిమితం కాలేదు. చివరిగా ఆయన హీరోగా నటించిన ఆంధ్రా కింగ్ తాలూకా అనే ప్రాజెక్ట్ కోసం ఆయన ఒక పాటను కూడా రాశారు. విశేషమేమిటంటే, ఆ పాటను స్వయంగా ఆయనే ఆలపించడం విశేషం. నటన, డ్యాన్స్, ఇప్పుడు రైటింగ్ మరియు సింగింగ్‌తో రామ్ తనలోని ‘ఆల్ రౌండర్’ను బయటకు తీస్తున్నారు. రామ్ స్వయంగా కథ రాసిన వార్ బయటకు రావడంతో అభిమానులు ఖుషీ అవుతున్నారు. తమ హీరో డ్రీమ్ ప్రాజెక్టును ఏ దర్శకుడు హ్యాండిల్ చేస్తారో అన్న ఉత్కంఠ అందరిలోనూ నెలకొంది. తన ప్రతి సినిమా కోసం ఎంతో కష్టపడే రామ్, ఈ సొంత కథ కోసం ఇంకెంత కేర్ తీసుకుంటారో అని ట్రేడ్ వర్గాలు చర్చించుకుంటున్నాయి.