Ram Gopal Varma: ప్రభాస్, ఎన్టీఆర్, చరణ్ కంటే కేసీఆర్ రియల్ పాన్ ఇండియా పొలిటికల్ స్టార్

Ram Gopal Varma: వివాదస్పద దర్శకుడు రామ్ గోపాల్ వర్మ.. ఎప్పుడు ఏ విషయంపై ట్వీట్ చేస్తాడో ఎవరికి అర్ధం కాదు.. ఒకసారి హీరోయిన్ల బికినీ ఫోటోలపై కామెంట్స్ చేస్తాడు.. ఇంకోసారి స్టార్ హీరోల మధ్య గొడవలు పెట్టే విధంగా మాట్లాడతాడు.. ఇంకోసారి రాజకీయాలను సినిమాలను పోల్చి తనదైన స్టైల్లో సెటైర్లు, కౌంటర్లు వేస్తూ ఉంటాడు. ఇక వర్మ ఏ ట్వీట్ చేసినా వివాదమే అని చెప్పాలి. ఇక తాజగా వర్మ మరో వివాదాన్ని క్రియేట్ చేసే పనిలో పడ్డాడా..? లేక రాజకీయాలలోకి వచ్చే ప్లాన్ ఏమైనా చేశాడా..? అన్న అనుమానాలు వస్తున్నాయి. అలాంటి అనుమానాలకు తావు ఇచ్చింది ప్రస్తుతం వర్మ వేసిన ట్వీట్. సినిమాలో ఉన్న హీరోలందరూ రీల్ పాన్ ఇండియా స్టార్లు అయితే కేసీఆర్ రియల్ పాన్ ఇండియా పొలిటికల్ స్టార్ అంటూ వర్మ కేసీఆర్ ను ప్రశంసలతో ముంచెత్తాడు.

“బాహుబలి, పుష్ప, ఆర్ఆర్ఆర్ మరియు కెజిఎఫ్ 2 యొక్క అడుగుజాడలను అనుసరించి, టిఆర్ఎస్ కూడా బిఆర్ఎస్ గా పాన్ ఇండియా వైపు వెళ్తోంది. హీరోలు యశ్, ప్రభాస్, తారక్, రామ్ చరణ్, అల్లు అర్జున్ లా కాకుండా రియల్ పొలిటికల్ స్టార్ కేసీఆర్”అంటూ చెప్పుకొచ్చాడు. ఇక ఈ ట్వీట్ వెనుక వర్మ ఆంతర్యం ఏంటి అనేది మిస్టరీగా మారింది. తెలుగు సినిమాలు జాతీయ స్థాయిలోసత్తా చాటుతున్నట్లు.. కేసీఆర్ సైతం జాతీయ స్థాయిలో తన సత్తా చాటుతున్నట్లు చెప్పుకొచ్చాడు. అయితే గత కొన్నిరోజులుగా కేసీఆర్ జాతీయ స్థాయి రాజాకీయాల్లోకి అడుగుపెడుతున్నట్లు వార్తలు వినిపిస్తున్నాయి. అందుకే వర్మ ఈ ట్వీట్ చేశాడా..? అనేది చాలామంది అనుమానం. ఏదిఏమైనా వర్మ చెప్పినదాంట్లో నిజం లేకపోలేదు అంటున్నారు కొందరు. మరి ఈ ట్వీట్ వెనుక ఉన్న మర్మం ఏంటో వర్మ చెప్తే బావుంటుందేమో అని మరికొందరు కామెంట్స్ చేస్తున్నారు.