Ram Charan: చరణ్ హైదరాబాద్ లో అడుగు పెడితే అర్ధరాత్రి కూడా ర్యాలీ చేశారు
మెగా పవర్ స్టార్ రామ్ చరణ్ ఆర్ ఆర్ ఆర్ సినిమాతో గ్లోబల్ ఇమేజ్ తెచ్చుకున్నాడు. నాటు నాటు పాట ఆస్కార్ అవార్డ్ గెలిచిన తర్వాత ఆర్ ఆర్ ఆర్ చిత్ర యూనిట్ హైదరాబాద్ చేరుకుంటే రామ్ చరణ్ మాత్రం ఢిల్లీ వెళ్లి అమిత్ షాని కలిశాడు. ఇండియా టుడే నిర్వహించిన ఈవెంట్ లో పాల్గొన్న చరణ్, అక్కడి నుంచి అర్ధరాత్రి హైదరాబాద్ కి చేరుకున్నాడు. శుక్రవారం అర్ధరాత్రి ఒంటిగంటకు బేగంపేట విమానాశ్రయానికి చేరుకున్న చరణ్ కి మెగా అభిమానులు ఘనస్వాగతం పలికారు. ‘జై చరణ్’, ‘జై ఆర్ఆర్ఆర్’ నినాదాలు, క్రాకర్ ల చప్పుల్లతో బేగంపేట విమానాశ్రయ ప్రాంగణం మారుమోగింది. భారీ పోలీసు బందోబస్తు మధ్య రామ్ చరణ్ విమానాశ్రయం నుంచి బయటకు వచ్చారు. తనపై ఇంత ప్రేమ చూపిస్తున్నందుకు అభిమానులకు కృతజ్ఞతలు తెలిపాడు. ఎయిర్పోర్ట్ నుంచి చరణ్ ఇంటి వరకూ అభిమానులు భారీ ర్యాలీగా తరలివెళ్లారు. దీనికి సంబంధించిన వీడియోలు ఇప్పుడు సోషల్ మీడియాలో వైరల్గా మారాయి.
Read Also: Bholaa Shankar: అఫీషియల్.. మెగాస్టార్ సినిమాలో అక్కినేని హీరోకి బంపరాఫర్
ఇదిలా ఉంటే రామ్ చరణ్ పుట్టిన రోజు సంధర్భంగా మార్చ్ 27న RC 15 టైటిల్, ఫస్ట్ లుక్ పోస్టర్, గ్లిమ్ప్స్ వీడియోని రిలీజ్ చెయ్యడానికి క్రియేటివ్ డైరెక్టర్ శంకర్ రెడీ అవుతున్నాడు. పాన్ ఇండియా స్థాయిలో తెరకెక్కుతున్న ఈ సినిమా ‘సిఈఓ’ అనే టైటిల్ ని ఫిక్స్ చేసారనే టాక్ వినిపిస్తోంది. మరి ఇది ఎంతవరకూ నిజమో తెలియాలి అంటే మార్చ్ 27 వరకూ వెయిట్ చెయ్యాల్సిందే. దిల్ రాజు ప్రొడ్యూస్ చేస్తున్న ఈ మూవీలో రామ్ చరణ్ పక్కన కియారా అద్వానీ హీరోయిన్ గా నటిస్తోంది. చరణ్ మూడు షేడ్స్ ఉన్న పాత్రలో నటిస్తున్నాడు అందులో ఒకటి ముఖ్యమంత్రికాగా, మరొకటి స్టూడెంట్ రోల్ ఇంకో వేరియేషన్ లో చరణ్ ఎలక్షన్స్ అధికారిగా నటించనున్నాడు. అత్యంత భారి బడ్జట్ తో రూపొందుతున్న ఈ మూవీ వచ్చే సంవత్సరం రిలీజ్ కానుంది.