పలు సూపర్ హిట్ చిత్రాల రచయిత, రాజమౌళి తండ్రి విజయేంద్రప్రసాద్ ఇటీవలి లుక్ అందరినీ ఆకట్టుకుంటోంది. పూర్తిగా పెంచిన తెల్లని గడ్డంతో ఋషిలా కనిపిస్తున్నారాయన. అయితే ఈ లుక్ ఇప్పుడు ఓ ఆసక్తికరమైన అంశానికి కేంద్రబిందువు అయింది. మనదేశ ప్రధాని నరేంద్ర మోడి సైతం గత కొంత కాలంగా పూర్తిగా పెంచిన తెల్లని గడ్డంతో అందరినీ ఆకట్టుకుంటున్నారు. ఇదే ఇప్పుడు ఓ యువ రచయితలో కొత్త ఆలోచన పుట్టడానికి కారణమైంది.
Read Also : ‘ఆర్ఆర్ఆర్’ షూటింగ్ పూర్తి
బాడీ లాంగ్వేజ్, లుక్స్ భిన్నంగా కనిపిస్తున్నప్పటికీ నరేంద్ర మోదీపై షార్ట్ మూవీ తీయాలనుకుంటున్న ఆ యువ ఫిల్మ్ మేకర్ భారత ప్రధాని పాత్రలో నటించమంటూ విజయేంద్ర ప్రసాద్ ను సంప్రదించారట. మొదట ఈ ఆఫర్ విన్న విజయేంద్ర ప్రసాద్ ఆశ్చర్యపోయినా… ఆ తర్వాత ఆ ఆఫర్ సున్నితంగా తిరస్కరించాటరట. ప్రస్తుతం విజయేంద్రప్రసాద్ తనయుడు రాజమౌళి తీస్తున్న ‘ఆర్ఆర్ఆర్’ సినిమాతో పాటు సొంతంగా ‘సీత’ అనే సినిమా పనుల్లో బిజీగా ఉన్నారు.