Rajamouli: కంగ్రాట్స్ కెప్టెన్… మేమంతా గర్విస్తున్నాం…
దర్శక ధీరుడు, ష్యూర్ షాట్ సక్సస్ ని ఇంటి పేరుగా పెట్టుకున్న వాడు, ఇండియన్ సినిమా గ్లోరిని ప్రపంచ స్థాయికి తీసుకోని వెళ్లాలనే కంకణం కట్టుకున్న వాడు ‘ఎస్.ఎస్. రాజమౌళి’. సినిమా సినిమాకి మార్కెట్ ని పెంచుతూ, సినిమా మేకింగ్ స్టాండర్డ్స్ ని పెంచుతూ తెలుగు సినిమాని పాన్ ఇండియా సినిమా చేసిన రాజమౌళి. ఇప్పుడు ఇండియన్ సినిమాని గ్లోబల్ వేదికపై నిలబెట్టాడు. ప్రతి భారతీయుడు గర్వించేలా ‘న్యూయార్క్ ఫిల్మ్ క్రిటిక్స్ సర్కిల్’ బెస్ట్ డైరెక్టర్ అవార్డ్ ని గెలుచుకున్న రాజమౌళి, ఈరోజు అవార్డుని హాలీవుడ్ ప్రముఖల సమక్షంలో అందుకున్నాడు. ట్రెడిషనల్ ఇండియన్ వేర్ లో అవార్డ్స్ కి ఈవెంట్ కి వెళ్లిన రాజమౌళి, అవార్డుని అందుకున్న తర్వాత చిన్న స్పీచ్ కూడా ఇచ్చాడు.
“ఆర్ ఆర్ ఆర్ సినిమా విషయంలో ఇండియన్ ఆడియన్స్ ఎలా రియాక్ట్ అయ్యారో, వెస్ట్ ఆడియన్స్ కూడా అలానే రియాక్ట్ అయ్యారు. అలాంటి రియాక్షన్ ని వెస్ట్ ఆడియన్స్ నుంచి ఊహించలేదు. ఇంటర్వెల్ సీన్ లో ఎన్టీఆర్, జంతువులతో దిగే సీన్ నన్ను చాలా ఎగ్జైట్మెంట్ కి గురి చేసింది. అదే ఎగ్జైట్మెంట్ నా ఆడియన్స్ కూడా ఫీల్ అవ్వాలి అనుకున్నాను, ప్రతి ఒక్కరూ ఆ సీన్ కి కనెక్ట్ అయ్యారు” అంటూ రాజమౌళి ఇంటర్నేషనల్ స్టేజ్ పై మాట్లాడారు.
శోబు యార్లగడ్డ, రమా రాజమౌళి, కార్తికేయ ఇతర కుటుంబ సభ్యులతో రాజమౌళి ఈ ఈవెంట్ కి హాజరయ్యాడు. రేస్ టు ఆస్కార్ లో ఉన్న ఆర్ ఆర్ ఆర్ సినిమాకి ఫిల్మ్ క్రిటిక్స్ సర్కిల్ అవార్డ్ రావడం చాలా గొప్ప విషయం. గోల్డెన్ గ్లోబ్ అవార్డ్స్ లో కూడా రెండు నామినేషన్స్ సాదించిన ఆర్ ఆర్ ఆర్ సినిమా అక్కడ కూడా అవార్డులని గెలిస్తే… మన ఇండియన్ సినిమా ఆస్కార్ కి అడుగు దూరంలో నిలిచినట్లు అవుతుంది. మరి గోల్డెన్ గ్లోబ్ అవార్డ్స్ లో మన సినిమా అవార్డులని గెలుచుకుందో లేదో తెలియాలి అంటే జనవరి 11 వరకూ ఆగాల్సిందే. ఈ ఈవెంట్ కి ఆర్ ఆర్ ఆర్ టీం అంతా కలిసి హాజరవ్వనున్నారు.
Congratulations @ssrajamouli 💥💥❤️ @nyfcc 🙌🏻
You made us proud. Salute Captain 🫡 pic.twitter.com/3Ip7wL6tFk
— RRR Movie (@RRRMovie) January 5, 2023