Radhika Kumaraswamy: కర్ణాటక మాజీ సీఎం కుమార్ స్వామి భార్య రాధిక కుమారస్వామి గురించి ప్రత్యేకంగా చెప్పాల్సిన అవసరం లేదు. ఆమె ఒక నటి. ఎన్నో మంచి సినిమాల్లో నటించి మెప్పించింది. ఇంకోపక్క సోషల్ మీడియాలో కూడా ఆమె తన అందచందాలతో అభిమానులను ఆకట్టుకుంటుంది. రాధికా.. తెలుగువారికి కూడా సుపరిచితమే. తారకరత్న నటించిన భద్రాద్రి రాముడు, అవతారం లాంటి సినిమాల్లో నటించింది. అయితే ఇక్కడ ఆశించిన ఫలితాన్ని అనుకోలేకపోయింది. అందుకే.. తమిళ్ లోనే అమ్మడు సెట్ అవ్వడానికి ప్రయత్నాలు చేస్తోంది. ప్రస్తుతం ఆమె ప్రధాన పాత్రలో అజాగ్రత్త..భైరాదేవి చిత్రాలు తెరకెక్కుతున్నాయి. ఇందులో ఆమె శక్తివంతమైన పాత్రలు పోషిస్తుంది. భైరా దేవి అనే సినిమాలో రాధికా అఘోరాగా నటిస్తోంది.
Sivaji: శివాజీ భార్యను చూశారా.. భలే అందంగా ఉందే
శ్రీజై ఈ చిత్రానికి దర్శకత్వం వహించడమే కాకుండా కథ, స్క్రీన్ ప్లే, మాటలను అందిస్తున్నాడు. ఇక నేడు రాధికా పుట్టినరోజుతో పాటు దీపావళీ పండుగ కావడంతో రాధికా పోస్టర్ ను రిలీజ్ చేసారు. ఇందులో ఆమె రాధికా అఘోరా పోస్టర్ ను రిలీజ్ చేశారు. ఇక ఈ పోస్టర్లో రాధిక త్రిశూలం చేత పట్టుకుని కనిపించగా.. బ్యాక్ గ్రౌండ్లో అఘోరాలు కూడా కనిపిస్తున్నారు. పోలీస్ పాత్రలో రమేష్ అరవింద్ కనిపిస్తున్నాడు. లేడీ అఘోర పాత్రను మెయిన్ లీడ్గా పెట్టి సినిమా తీయడం ఇదే మొదటిసారి. అందుకే ఈ సినిమాపై అభిమానులు భారీ అంచనాలను పెట్టుకున్నారు. మరి ఈ సినిమా రాధికాకు ఎలాంటి హిట్ ఇస్తుందో చూడాలి.